“Azərbaycan və Orta Asiyada ərəb dili” beynəlxalq konfransı öz işinə başlayıb - FOTOLAR - FOTOLAR | Eurasia Diary - ednews.net

18 Sentyabr, Çərşənbə


“Azərbaycan və Orta Asiyada ərəb dili” beynəlxalq konfransı öz işinə başlayıb - FOTOLAR - FOTOLAR

Mədəniyyət A- A A+

İyulun 11-də Bakı Avrasiya Universitetində “Azərbaycan və Orta Asiyada ərəb dili” adlı beynəlxalq konfrans öz işinə başlayıb.

Eurasia Diary xəbər verir ki, konfransda azərbaycanlı ərəbşünas alimlərlə yanaşı Qazaxıstan, Qırğızıstan, Özbəkistan, Türkmənistan və Tacikistandan gəlmiş tanınmış ərəbşünas alimlər də iştirak edirlər. Konfransa Səudiyyə Ərəbistanından da nümayəndə heyəti qatılıb.

İki gün davam edəcək tədbirdə çoxsaylı çıxışlar nəzərdə tutulub. Əsas məqsəd Azərbaycanda və Orta Asiya Respublikalarında ərəb dilinin müasir vəziyyəti, inkişaf perspektivləri, ona mane olan amillər, qarşıda duran vəzifələri müzakirə etməkdir. Eyni zamanda iştirakçı ölkələrin ziyalıları arasında mədəni körpülər qurmaqdır.

 

Konfransın ilk günü Bakı Avrasiya Universiteti ilə Səudiyyə Ərəbistanının Kral Abdulla bin Əbdüləziz adına Ərəb dilinə Xidmət üzrə Beynəlxalq Mərkəzi arasında 6 fevral 2019-cu il tarixdə bağlanmış müqaviləyə əsasən yaradılmış “Ərəbşünaslıq Mərkəzi”nin rəsmi açılışı həyata keçirilib.

Konfransın və Mərkəzin rəsmi açılış mərasiminə Səudiyyə Ərəbistanının Bakıdakı fövqəladə və səlahiyyətli səfiri Dr.Həməd bin Abdullah  bin Xudeyr də qatılıb.

Konfransın giriş sözündə Ərəbşünaslıq mərkəzinin Direktoru Sultan STS Şirkətinin rəhbəri, Azərbaycan Dillər Universitetinin dosenti, tanınmış ərəbşünas Ülviyyə Hüseynova bütün qonaqları salamlayıb və mərkəzlə bağlı öz fikirlərini bildirib.O mərkəzin gələcək planları haqqında da məlumat verib.

Bakı Avrasiya Universitetinin prorektoru Nigar Hüseynova çıxış edərkən bildirib: “Ölkəmizdə müxtəlif adlar altında çoxsaylı Mərkəzlər fəaliyyət göstərməkdədir. Ancaq düşünürəm ki, bizim birgə səylərimizlə ortaya çıxardığımız “Ərəbşünaslıq Mərkəzi”nin analoqu yoxdur. Onun az müddət içərisində təhsil müəssisələri və tələbələr arasında yaratdığı rəğbət, həvəs, motivasiya və maraq meylləri, xüsusilə qarşısına qoyduğu məqsəd və vəzifələr bunu deməyə əsas verir və gələcəyə böyük ümidlər yaradır. Çox sevindirici haldır ki, ərəb dili kurslarında 80 nəfər tələbənin öyrədilməsi nəzərədə tutulsa da qısa müddət ərzində 200-dən çox müraciət daxil olub”

Daha sonra səfir Dr.Hamad bin Abdulla bin Səud bin Xudeyr çıxış edib. O, “Ərəbşünaslıq Mərkəzi”nin açılışını iki ölkə arasında müsbət addım kimi xarakterizə edib. Səfir deyib ki, “Ərəbşünaslıq Mərkəzi” Azərbaycan Respublikası və Səudiyyə Ərəbistanı Krallığı arasında mədəni əlaqələrə dəstək verəcək.

 




 
1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...