Şamil Əliyevin “ÇÖLÇÜ” filmi yeni zirvələri fəth etməkdə davam edir.

Beynəlxalq kino ekspertlərdən ibarət Münsiflər  heyəti Azərbaycan filmi “Çölçü”nü 2 (iki) beynəlxalq film festivalı və mükafatlarının qalibi və Finalçısı elan etmişdir.

Royal Wolf Film Awards 2019 (İyun – ABŞ) müsabiqəsində ƏN YAXŞI XARİCİ FİLM mükafatına layiq görülmüşdür. Mükafat qızıl, platin, gümüş və xrustal materialladan hazırlanmış heykəl fiqurlar və sertifikatla təsdiq olunur.

http://royalwolfawards.com/winners.html

Oniros Film Awards 2019  İlin Ən Yaxşı Bədii Filmi kimi FİNAL mərhələsinə yüksəlmişdir. Mükafatın təqdimatı 2019 –cu il avqust ayının 24-də baş tutacaqdır.

Qeyd edək ki, Şamil Əliyevin “Çölçü” filmi, Oniros Film Awards 2019 May mövsümünün -  Ən Yaxşı Bədii Film mükafatına layiq görülmüş və Ən Yaxşı Rejissor kimi FİNALİST statusunu qazanmışdır. Mükafat - və qızıl təbəqə ilə örtülmüş heykəl fiqur və sertifikatla təsdiq olunur.

https://onirosfilmawards.com/wp-content/uploads/sites/4/2019/07/ONIROS_ANNUAL_2019b.pdf

Qeyd edək ki, Antonioni, Tarkovski, Qodar, Berqman kino mükafatlarının nominantı və qalibi olan Şamil Əliyevin “Çölçü” filmi Mədəniyyət və Turizm Nazirliyinin sifarişi ilə “Azərbaycanfilm” kinostudiyasında 2012-ci ildə istehsal olunub. Film 5 qitəni əhatə edən 56 beynəlxalq film festivalında iştirak edərək 30-a qədər müxtəlif mükafatlara layiq görülüb.

“Çölçü” ümumilikdə bi neçə dəfə “Ən yaxşı bədii film”, “Ən yaxşı rejissor işinə görə”, “Ən yaxşı ssenari”,  “Ən yaxşı qadın oyunçu”, “Yaradıcılıq axtarışlarına görə”, eləcə də münsiflər heyətinin xüsusi diplom və mükafatlarına, “Humay” milli mükafatına layiq görülüb.

Filmin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur. Prodüser M. Hətəmovdur. Filmdə Vidadi Həsənov, Bəhruz Vaqifoğlu, Cavidan Məmmədov və başqaları çəkiliblər.

Qeyd edək ki, "Çölçü" Goranboy rayonu ərazisində çəkilib.

Eurasia Diary