“Vətənpərvər” - Azərbaycanın Misirdəki Diaspor Təşkilatları Birliyinin dəstəyi ilə Misirdə Azərbaycanın dahi şairi İmadəddin Nəsiminin həyat və yaradıcılığına dair elmi-tədqiqat aparılmışdır.
Birliyin sədri, tədqiqatçı-alim Seymur Nəsirov bir neçə il öncə Misirin əl-Əzhər Universitetinin "Humanitar Fənnlər Fakültəsi"nin magistratora tələbəsi xanım Həcər Karara ilə görüşdə Nəsimi haqqında geniş söhbət açır və Nəsiminin tədqiqatı ilə bağlı ona lazımi dəstəyi göstərir. Karara xanımın elmi işi "İmadəddin Nəsimi Şirvani" həyatı və fars dilində divanın tədqiqatı və tərcüməsi olub.
Xanım Karara bu elmi işini uğurla mudafiə edib magistr adını qazanmışdır.
Tədqiqat 604 səhifədən ibarətdir. Əsər üç fəsilə bölünmüşdür. Bir fəsilində şairin ana vətəni Azərbaycanın tarixi, coğrafiyası və mədəniyyəti haqqında geniş məlumat verilmişdir.
Diaspora sədri S.Nəsirov vətənimizi dünyada təbliğ etməyin önəmli yollarından biri də azərbaycanlı alimlərinin yazdığı əsərləri yenidən tədqiq edərək, o əsərlərdə Azərbaycan haqqında geniş məlumat dərc etdirməkdir. Bu sahədə səylərimizi bundan sonra da davam etdirəcəyik.
