Zamanın donduğu an - Rəsm sərgisi - FOTOLAR | Eurasia Diary - ednews.net

30 Mart, Bazar ertəsi


Zamanın donduğu an - Rəsm sərgisi - FOTOLAR

Mədəniyyət A- A A+

Bugün Azərbaycan Dövlət Rəssamlıq Akademiyası muzeyində "Zamanın donduğu an" adlı Xocalı soyqırımı faciəsinin 28-ci il dönümü münasibəti ilə rəsm sərgisi keçirilib.

Sərgidə iştirak edən  Azərbaycan Dövlət Rəssamlıq Akademiyasının rektoru Ömər Həsən oğlu Eldarov Eurasia Diary-ə açıqlama verib: Xocalı soyqırımı bəşər tarixinin ən faciəli hadisələrindən biri olduğunu söyləyib.

 

“Əli silahlı insanlardan qaçmaq istəyən uşaqları, qoca kişi və qadınları güllələmək nə deməkdir? Mən tarixdə belə bir hadisənin şahidi olmamışdım. Hadisənin özü qorxulu, insanlıqdan uzaq hadisədir. Sərginin özünə gəldikdə isə, müəlliflər əsərlərə ürəyini qoyublar, bu faciəni hiss edərək, təsvir ediblər. Bizim tələbələr  çox istedadlıdırlar, xüsusilə mövzunu yaşayaraq, çox yaxşı iş ortaya qoyublar. Onların bu səmimiyyəti peşəkar şəkildə çatdıra biliblər" deyə rektor bildirib.

Sərginin təşkilatçısı Azərbaycan Dövlət Rəssamlıq Akademiyası nəzdində İncəsənət kollecinin müəllimi Fərəh xanım Əmirovadır.

F.Əmirova sərginin əsas mahiyyətindən söz açıb. O, bildirib ki, bu sərginin ərsəyə gəlməsi üçün həm kollec tələbələri həm də akademiya tələbələrinin rəsm, mozaik, əl işləri, heykəllər və dizayner işləri sərgilənib.

"Xocalı soyqırımı bəşəriyyətin qan yaddaşıdır. Burada yüzlərlə həm vətənlərimiz amansızcasına qətlə yetirilib, əsir götürülüb. Əsirlikdə olan qız gəlinlərimizin, uşaqlarımızın taleyi hələ də naməlumdur. Bizlər bir olub, yumruq kimi birləşib, səsimizi hər kəsə duyurmalıyıq. Hər kəs dinindən, irqindən  asılı olmayaraq, hər bir insan Xocalı soyqırımını tanımalı və onun haqqında məlumat əldə etməlidir. Xocalı faciəsi zamanı zaman hər kəsin gözündə donub. Baxmayaraq ki, burada rəsm əsərləri sərgilənən tələbələrin yaşları həmin hadisələrdən kiçikdir amma tələbələr həmin günün ağrılarını bütün ruhlarıyla hiss ediblər. Sərgilənən rəsmlərin hər birinin özünə məxsus adları var. "Qisasın göz yaşları"," Xocalı soyqırımını unutmadıq, unutdurmarıq", "Cəmiyyət qadınla tamamlanır", "Buxovlanmış insanlar", "Mələk" və s. Bu sərgi üçün hər bir nüansı araşdırmışıq. Çünki burada talelər var. Nakam həyatların acısı bizlərərin qəlb yanğısıdır".

Sərgidə nümayiş olunan rəsm əsərlərinin müəllifləri öz fikirlərini bizlərlə bölüşdülər

Əlizadə Fidan 4-cü kurs tələbəsi (dizayner)

Rəsm əsərim  "Çarəsiz həyat" adlanır. Burada İslam və Xristian dinin birgə təzadı vurğulanıb. Dinindən asılı olmayaraq, hər kəs azad yaşamaq istəyir. Körpə qucağında olan qadın isə əsirlikdə övlad dünyaya gətirən anadır. Rəsmdə açılan qapı ümid qapısıdır. Qarabağ sakinlərinin ümid qapısıdır. Hər bir azərbaycanlı öz qan yaddaşını unutmamalı və gələcək nəsillərə ötürməlidir.

 

Ağayeva Günay 2-ci kurs tələbəsi (rəssam)

Rəsm əsərim "Xocalını unutmadıq, unutdurmarıq" adlanır. Burada insanların gözlərində vətən həsrəti, nakamlıq və məhv olunmuş talelər əks olunur. "Xocalı soyqırımı təkcə Azərbaycan xalqının deyil bütün cahanın fəciəsidir. Biz gənclər Xocalı soyqırımını unutmayacayıq. Və unutdurmağa imkan verməyəcəyik".

Eurasia Diary sərgidə nümayiş olunan şəkilləri sizlərə təqdim edir

Günel Ağayeva

 

 

 

 

 

 

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...