"Məsələni “acı bağırsaq” kimi uzatmaq lazım deyil" - Xalq artistindən Afaq Bəşirqızına dəstək | Eurasia Diary - ednews.net

25 May, Bazar ertəsi


"Məsələni “acı bağırsaq” kimi uzatmaq lazım deyil" - Xalq artistindən Afaq Bəşirqızına dəstək

Mədəniyyət A- A A+

Afaq Bəşirqızının sözünü şişirdirlər.

Bu sözləri Kult.az-a açıqlamasında xalq artisti Rasim Balayev Afaq Bəşirqızının məlum açıqlamasına reaksiyaları dəyərləndirərkən deyib.

R.Balayev qeyd edib ki, A.Bəşirqızı qeyri-rəsmi nikahdan, təsadüfi əlaqələrdən övlad dünyaya gətirib böyütmək imkanı olmayanları nəzərdə tutub:

“İnsanlar da onun sözünü başqa cür qəbul edirlər. Axı, Afaq Bəşirqızı o mənada deməyib. Yəni, hər gün televiziyaya çıxanlar var, görürsən ki, təsadüfi münasibətdən uşaq doğub, uşağın atası atıb gedib, ana baxa bilmir, kömək istəyir. O da bu cür problemə diqqət çəkmək istəyib”.

Xalq artisti bildirib ki, ciddi problemləri bir qırağa qoyaraq bu məsələni “acı bağırsaq” kimi uzatmaq lazım deyil.

Qeyd edək ki, A.Bəşirqızının “Azadlıq” radiosunun efirində sələndirdiyi fikirlər böyük qalmaqala səbəb olub.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...