Xalq artisti Arif Quliyevin doğum günüdür | Eurasia Diary - ednews.net

24 Sentyabr, Cümə axşamı


Xalq artisti Arif Quliyevin doğum günüdür

Mədəniyyət A- A A+

Bu gün Xalq artisti Arif Quliyevin doğum günüdür.

Aktyor özəl günündə "Ölkə.Az"-ın əməkdaşının suallarını cavablandırıb.

O, ilk təbrikini millət vəkili, Milli Məclisin Mədəniyyət komitəsinin sədri Qənirə Paşayevadan aldığını bildirib:

“İlk məni təbrik edən, hörmətli millət vəkilimiz Qənirə xanım Paşayeva olub. Daha sonra dostum, qardaşım İlham Namiq Kamaldan və Mədəniyyət Nazirliyindən təbriklər gəlib. Səhər “Real Tv” də mənim haqqımda süjet yayımlandı. Efirdə baxdım, bu, mənə çox xoş oldu . İnanırsınız, tanıdığım-tanımadığım, hamı məni təbrik edir. Telefonum bir dəqiqə belə susmayıb ”,- deyə, o, açıqlayıb.

Əməkdaşımızın “Təbrikini gözlədiyiniz, ancaq sizi yada salmayan insan varmı?”,- sualına o, hər zaman diqqət mərkəzində olduğunu və heç bir zaman unudulmadığını söyləyib.

“İnanın ki, yoxdur. Çünki gözlədiyim insanlar hər il məni təbrik edib, xoş sözlər deyirlər”.

Söhbət zamanı Xalq artisti ən böyük arzusunu da dilə gətirib.

“Ən böyük arzum bütün insanları xoşbəxt görməkdir. Bizim işimiz onların üzündə təbbəssüm yaratmaqdır. Biz aktyorlar təbəssüm memarıyıq. Biz sənətimiz ilə onlara xidmət edirik. Onların sevgisini, məhəbbətini sənətə gəldiyim ilk gündən, 1974-cü ildən bu günə kimi hiss edirəm”.

Xalq artisti onu yad edib, təbrik edənlərə təşəkkür etməyi də unutmayıb.

“Hər birinə məni yad edib, təbrik etdiklərinə görə, öz dərin minnətdarlığımı bildirirəm. Mənə bu qədər diqqət yetirdikləri və dəyər verdikləri üçün onlara sonsuz təşəkkür edirəm. Mən hamını çox sevirəm”.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...