Əməkdar artist Tofiq Hüseynov dünyasını dəyişdi | Eurasia Diary - ednews.net

9 Avqust,


Əməkdar artist Tofiq Hüseynov dünyasını dəyişdi

Mədəniyyət A- A A+

Əməkdar artist Tofiq Hüseynov dünyasını dəyişib.

EDNews.net xəbər verir ki, bu barədə məlumatı Akademik Milli Dram Teatrı paylaşıb. Qeyd olunub ki, aktyor xərçəng xəstəliyindən əziyyət çəkirdi.

Tofiq Hüseynov iyulun 6-da öz vəsiyyətinə uyğun olaraq Xırdalan qəbiristanlığında anasının və atasının yanında torpağa tapşırılacaq.

Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirib.

Teatr səhnəsində Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarını yaradıb.

2001-ci ildən Azərbaycan Dövlət Akademik Milli Dram Teatrında çalışıb.

2009-cu ildə Əməkdar artist fəxri adına layiq görülüb.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...