Atası xalq düşməni kimi güllələndi, dostu əsərini oğurladı - Xalq rəssamından Maraqlı Faktlar - ednews.net

5 Fevral,

(+994 50) 229-39-11

Atası xalq düşməni kimi güllələndi, dostu əsərini oğurladı - Xalq rəssamından Maraqlı Faktlar

Mədəniyyət A- A A+

Bu gün Xalq rəssamı Tahir Salahovun anım günüdür.

Ednews mərhum sənətkar haqqında faktları təqdim edir.

Tahir Salahov 1928-ci il noyabr ayının 29-da Bakı şəhərində anadan olub.

1937-ci ildə atası Teymur Salahov Laçın rayonun birinci katibi vəzifəsinə təyin olunub. Elə həmin il sentyabrın 29-da bolşeviklər tərəfindən şərlənərək həbs olunan Teymur Salahov xalq düşməni kimi güllələnib.

***

Çətin uşaqlıq dövrü keçirən Tahir Salahov gənc yaşlarından afişalar, asfalt üzərində rəsmlər çəkərək ailəsini dolandırmaqda anasına kömək edib.

Moskvanın və Leninqradın Ali rəssamlıq məktəblərinə daxil olmaq üçün imtahan verib uğurlu nəticə əldə etsə də atasına görə hər iki universitetdən kəsiblər.

***

N.S Xuruşovun qəzəbinə tuş gələn rus rəssamı Pavel Nikonov “Geoloqlar" tablosunu məhv etmək istəyərkən Tahir Salahov onu fikrindən daşındırır, əsəri götürüb Bakıya gətirib. Xuruşşovun hakimiyyəti sona çatandan sonra rəssamı Azərbaycana dəvət edir və tablonu ona hədiyyə edib.

Uzun müddət Moskvada yaşayıb ailəsi ilə Bakıya köçən Tahir Salahovun üzləşdiyi mənzil problemini Səttar Bəhlulzadə həll edib. Səttar yeni inşa olunan “Rəssamlar evi”ndə ona ayrılan ikiotaqlı evi gənc həmkarına bağışlayıb.

***

Mətbuatın yazdığına görə, doğma bacısı, Miniatür Kitab Muzeyinin direktoru Zərifə Salahova ilə küsülü olublar.

Keçmiş şəxsi assistenti və yaxın dostu Mayk Xoukmen rəssamın əsərlərini oğurlayıb. 2018-ci ildə rəssamın qızı Aydan Salahova onun oğurlanmış əsərini lombardda tapıb.

***

İki dəfə rəsmi nikaha girib. İlk dəfə Özbəkistanın xalq artisti, məşhur rəqqasənin qızı Vansetta Qarayaqubova ilə ailə həyatı qurub. Bu evlilikdən onların Aydan, Alagöz və Lara adlı 3 qızı dünyaya gəlib.

İkinci dəfə İ Moiseyev adına Rəqs ansamblının solisti, əslən gürcü çar nəsli Baqrationlardan olan Varvara Salahova ilə ailə həyatı quran Tahir Salahovun bu evlilikdən İvan Salahov adlı oğlu dünyaya gəlib.

***

Rəssamın qızları Alagöz Salahova və Aydan Salahova ataları kimi rəssamdır. Aydan əvvəl bioloq olmaq istəyirmiş, o, atasının təkidi ilə bu sahəni seçir. Alagöz Salahovanın Moskvada “Alagöz” adlı prodüser mərkəzi fəaliyyət göstərir. Aydan Salahova isə bir neçə il bundan əvvəl çılpaq fotoları ilə gündəm olmuşdu.

***

Tahir Salahovun oğlu İvan Salahov da yaradıcılıq sahəsində çalışır o, bərpaçı rəngkardır.

Dünya şöhrətli fransız modelyer Pyer Kardin onun haqqında deyib: “Tahir Salahovun yaradıcılığı sehrli qüvvəyə malikdir. Onun əsərləri rəngarəng və realistdir”.

***

Tahir Salahov müsahibələrinin birində qeyd edir ki, atam işdən gələndən sonra masanın üzərinə bir manat qoyub bizə son dövrlərdə çıxan filmlərdən rəsmlər çəkməyi tapşırır, özü yatmağa gedirdi. Biz üç qardaş iki, üç saat rəsmlər çəkirdik. Bir-birimizin bəhsinə ən yaxşı rəsmi çəkməyə çalışırdıq. Ən yaxşı şəkil çəkən pulu qazanırdı.

***

Xalq rəssamı 21 may 2021-ci ildə 92 yaşında Almaniyada vəfat edib.

Oğuz Ayvaz 



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...