Maksim Qorki adına Ədəbiyyat İnstitutunun məzunları Beynəlxalq Avrasiya Mətbuat Fondunun qonağı olublar.
Ednews xəbər verir ki, görüşdə BAMF prezidenti Umud Mirzəyev, yazıçı Səfər Alışarlı, şair Nazim Əhmədli, şair Murad Köhnəqala, yazıçı Zahid Sarıtorpaq, yazıçı, tərcüməçi Saday Budaqlı, şair Baba Vəziroğlu, şair İslam Sadıq, yazıçı Maarif Soltan, şair Rəşid Göyçə, şair Nazim Əlioğlu, şair Şamil Bahadur, şair Nəsib Nəbioğlu, şair Maşallah Məftun, nasir İslam Babazadə, professor, şair Tahir Taisoğlu, şair, tərcüməçi Ərşad Cəfərli iştirak edib.
Keçmiş məzunlar yenidən bir araya gəldikləri üçün məmnun olduqlarını bildiriblər. Görüş əsnasında Maksim Qorki adına Ədəbiyyat İnstitutununda təhsil alan məzunların siyahısı nəzərdən keçirilib və müzakirə edilib. O cümlədən dünyasını dəyişən yazıçıların xatirəsi anılıb.
Umud Mirzəyev qonaqlara BAMF-ın quruculuğundan, yaranmasından, fəaliyyət və missiyasından geniş məlumat verib. Daha sonra görüşdə birgə əməkdaşlıq mövzuları, Azərbaycanın ədəbiyyat sahəsində qarşılaşdığı problemlər müzakirə edilib. Həmçinin yazıçıların və şairlərin yaşadığı çətinlikləri həll olunması ilə bağlı söhbət aparılıb.
Görüşdə qərara alındı ki, Maksim Qorki adına Ədəbiyyat İnstitutunun 90 illiyi münasibətilə azərbaycanlı məzunların antalogiya kitabı çap edilsin.
U.Mirzəyev görüşdə çıxış edərək bunları bildirdi:
“Burada iştirak edən və etməyən həmkarlarımızın hər birinin müxtəlif ölkələrdə yaşayan nüfuzlu qələm dostları, əlaqələri, Yazıçılar Birliyinin rəhbərləri, böyük qəzet redaktorları kimi tanıdıqları şəxslər var. O, şəxslərin vaxsitəsilə Azərbaycanın post-konfilikt dövründə mövcud problemlərinin obyektiv şəkildə təbliğ olunmasında, yayılmasında yardımları ola bilər. Çünki ölkəmizə bu günləri “qara yaxmağa çalışan” qüvvələr var”.
Görüşdə Heydər Əliyevin anadan olmasının 100 illiyinə həsr edilmiş Azərbaycandan kənarda təhsil almış mütəxəssislərin toplantısı barəsində də söhbət aparılıb. Şair Tahir Taisoğlu qeyd edilən görüş haqqında bildirdi ki, bizim dövrümüzdə azərbaycanlı tələbələrdən 50-60 gənc xarici universitetlərə qəbul olunurdu.
“Biz onlardan biri olmuşuq. Azərbaycan Yazıçılar Birliyinin xətti ilə Qorki-yə qəbul olunmuşduq. Biz niyə indi o tələbələrin arasında olmadıq? Məsələni rəsmi qurumlarla müzakirə etməli və gündəmdə saxlamalıyıq”.
Sonda məzunların xatirə fotosu çəkilib.
Oğuz
