"Xəbərimiz olmalıdır ki, ermənilərin 1918- ci ildə Türküstanda və Qazaxıstanda dərin və iyrənc izləri olub".
Ednews xəbər verir ki, bu sözləri BAMF-ın Özbəkistan təmsilçisi, tarixçi, publisist Şuxrat Salamov (Barlas)Qərbi Azərbaycanlıların deportasiyasının virtual muzeyinin təqdimat mərasimindəki çıxışı zamanı bildirib.
"Azərbaycanla yanaşı ermənilər və erməni Daşnakları paralel şəkildə bir çox türklərin yaşadığı ərazidə qətliamlar törədib. Biz bunları bütün türk dövlətlərində anlatmalıyıq. Sadə şəxslərdən tutmuş ən yüksək vəzifəli şəxslərə qədər. Daha sonra dünya ictimaiyyətinə çatdırılmalıyıq. Ümumiyyətlə burda danışılan hər bir şey bədii ədəbiyyata köçürülməlidir. Beynəlxalq Avrasiya Mətbuat Fondu cox gözəl şəkildə yerinə yetirib. Hazırda Özbəkistandan 15-ə yaxın jurnalist Azərbaycandadır. Qarabağ ərazisində gördüyümüz erməni vəhşiliklərini dünyaya çatdırmaq üçün 15 jurnalist gəlib".
Qeyd edək ki, bu gün Beynəlxalq Avrasiya Mətbuat Fondunun Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin dəstəyi ilə həyata keçirdiyi “Qərbi Azərbaycanlıların deportasiyası və soyqrımı ilə bağlı virtual muzeyin yaradılması” layihəsinin yekun təqdimat tədbiri keçirilir.