Gələcəkdə qayınana, qayınata kənardan ailəyə müdaxilə edəcəksə, bu, məişət zorakılığı hesab ediləcək. Bu barədə “Məişət zorakılığının qarşısının alınması haqqında” qanuna təklif edilən dəyişikdə nəzərdə tutulub. 

Bu Azərbaycan mental dəyərlərinə və ailələr arasındakı münasibətə necə təsir edər? Daha da boşanmaların sayını artıra bilərmi? Çünki tərəflər ana- atalarından şikayət etsələr ailədaxili problemlərə gətirib çıxara bilər. 

Bu barədə Ednews-a açıqlamasında Xalq artisti Afaq Bəşirqızı bildirdi ki, qərarın qəbul edilməsini düzgün hesab etmirəm. İnsan xasiyyətinə qərar qəbul etmək mümkün deyil axı:

“Evdə böyük qaynanı sayıram. Gəlin isə cavandır. Ailəyə təzə gəlib. Onun qarşılanması, ailəyə qatılması, qayğının göstərilməsi, ailə üzvlərindən fərqlənməməsi bütün bunların hamısı vacibdir. Bunlar qaynana tərəfindən atılmalı addımlardır. Çox təəssüflər olsun ki, ən çox bu məsələyə diqqət qaynananın istəmədən o gəlini oğluna alması olur. Bax, əsas məsələ burdan başlayır ki, qaynana istəmir o qızı. Oğlu da onunla evlənir. Qaynana da bu vəziyyətlə heç cür razılaşa bilmir, barışmaq istəmir. Bunun da müəyyən səbəbləri var. Bəlkə evləri yoxdur birgə yaşayırlar, bu da ən böyük səbəbdir. Yaxuda da qaynana qızın ailəsini heç cürə çəkə bilmir. Amma indi TV-lərdə də görürük ki, günahkar qızla, oğlandır. Artıq qaynana arxa tərəfə çəkilib. Yəni qaynana-gəlin münasibəti bir o qədər müzakirə edilmir. Oğlanın işləməməsi, qızın savadız olmağı, onların yola getməməsi, şəraitlərinin olmaması, kəbinin olması və.s – bu dəhşətdir. Bu dəhşətdir ki, qızlarımızın 99 faizi ailə quranda kəbini olmur. İnanmıram ki, bu qanun tətbiq olunsa bir nəticə əldə edə bilərik. Yenə də yaxşı olsun deyirəm”.

Oğuz