ISESCO Şuşadakı irsin qiymətləndirilməsi üçün işlərə başlayıb.
"EDnews" xəbər verir ki, bunu ISESCO-nun İnsan və Sosial Elmlər Sektorunun Rəhbəri Ramata Almami Mbaye Qərbi Azərbaycan İcmasının təşkilatçılığı ilə keçirilən “Qayıdış Hüququ: Ermənistandan zorla çıxarılmış azərbaycanlılar üçün ədalətin təmin edilməsi” mövzusunda keçirilən II beynəlxalq konfransın "Mədəni irsin qorunması və bərpası" adlı panel sessiyasında deyib.
O deyib ki, mədəni irsin qorunması və mühafizəsi üçün zaman yetişib:
"Xüsusilə münaqişə dövrlərində onları qorumaq lazımdır. Bu irs xalqları bir araya gətirərək şövq edən varlıqdır. Azərbaycanın ev sahibliyi etdiyi COP29-da da bu təşəbbüslə ISESCO çıxış etdi".
Onun sözlərinə görə, ISESCO son zamanlar Şuşadakı irsin qiymətləndirilməsi üçün işlərə başlayıb:
"Bu irsin islam dünyası üçün nə qədər dəyərli olub-olmamasını qiymətləndirmək lazımdır. Burada həmçinin ədalətin bərqərar edilməsindən söhbət gedir".
