Xəbər verdiyimiz kimi, Rəcəb Tayyib Ərdoğan Türkiyədə yenidən prezident seçilib. Ərdoğan səslərin 52,14%-ni toplayıb. İkinci namizəd Kamal Kılıçdaroğlu 47,86% səs qazanıb. 

Azərbaycan ilə Türkiyə arasındakı iqtisadi münasibətlər tarixi-mədəni yaxınlığa və qarşılıqlı strateji tərəfdaşlığa əsaslanır. İkitərəfli iqtisadi əlaqələrdə çoxşaxəlilik və intensivlik müşahidə edilir. Bu əlaqələr ticarət, investisiya qoyuluşları və çoxtərəfli münasibətləri əhatə edən regional layihələrdə özünü daha qabarıq göstərir. Hazırkı iqtisadi tərəfdaşlıq həm Türkiyə və Azərbaycanın ölkə miqyasında, həm də region miqyasında nüfuzunun və iqtisadi gücünün artımında əhəmiyyətli rol oynayır.

R.T Ərdoğnanın qalib gəlməsi Türkiyə və Azərbaycan arasında iqtisadi əlaqələri daha da genişləndirəcək? Bu əlaqələr hansı yeniliklər gətirəcək?

Mövzu ilə bağlı Ednews-a türkiyəli iqtisadçı-ekspert Neşat Gündoğdu bildirdi ki, Türk Dövlətləri Təşkilatında ortaq bazar hədəfi var. Bu perspektivdə onların iqtisadi əlaqələri 2040-cı ildə reallaşmağa doğru irəliləyir. 

“Bundan başqa, iqtisadi əməkdaşlıq üçün çoxlu addımlar atıla bilər, lakin bunun üçün həm tərəfdaş olaraq qalmaq iradəsi, həm də kənardan gələn təhlükələri aradan qaldırmaq üçün güc və iradə lazımdır.

Çünki belə bir addım həm Çinin, həm Rusiyanın, həm Avropanın, həm də ABŞ-ın bizə qarşı çıxması deməkdir. Öhdəsindən gəlmək asan deyil. Ərdoğanın iqtisadiyyatı və xarici siyasəti dəyişdirməsi gözlənilmir. Bununla belə, yeni iqtisadi idarəetmə sistemi və xarici işlər naziri prosesin irəliləməsinə müsbət töhfə verə bilər. Bu prosesdə açıqlanacaq proqramlar həlledici olacaq”.

Oğuz