Azərbaycanda devalvasiyanın olması ilə bağlı bir sıra iddialar vətəndaşlar arasında təşvişə səbəb olub. İnsanların manata olan inamı günü-gündən zəifləyir. Vətəndaşlar banklarda olan vəsaitlərini dollara çevirməklə özlərini mövcud risklərdən qorumağa çalışır, ya da bankdakı əmanətlərini geri çəkirlər. Manatın aqibəti necə olacaq?
Məsələ ilə bağlı Ednews-a iqtisadçı-ekspert Günay Hüseynova bildirdi ki, hal-hazırkı zaman üçün olmasa da manatın devalvasiyası gözləniləndir:
"Risklərdən qorunmaq üçün bankda əmanəti olan vətəndaşlar vəsaitlərini xarici valyuta çevirirlər. Əslində bu düzgün addım hesab edilmir. Əvvəla dolların da özlüyündə inflyasiyası var. Digər yandan əgər manat devalvasiyaya uğrayarsa hər şeyin qiyməti bu səviyyədə qalxacaq. Ona görə də "xarici valyutaya çevirim", "pulumu qoruyum" düzgün addım deyil. Daşınar, daşınmaz əmlaka yatırım daha perspektivlidir. Manatın aqibəti daha çox əhalinin aşağı gəlirli təbəqəsinə göstərəcək. Belə ki, idxaldan aslı ölkə olduğumuz üçün xüsusi ilə də qida məhsulları üzrə. Bu da zəruri ehtiyac mallarının alıcılıq qabilliyətini aşağı salacaq. Devalvasiya qaçınılmaz olsa da çıxış yolu ilk növbədə kənd təsərrüfatına dəstək olmalıdır. Əhalinin gəlirlərinin 70% qida məhsullarının alışına istifadə olunur. Bu halda K/T dövlət dəstəyi lazımdır ki, əhali qiymət artımından bir o qədər də təsirlənməsin".
Oğuz