Dünya neft təlabatının 50%-dən çoxunu təmin edən OPEC+ ölkələri artıq uzun müddtədir ki, neft istehsalına məhdudiyyət qoyub. Səudiyyə Ərəbistanı və Rusiya kimi ölkələr neft qiymətlərini stabil saxlamaq üçün neft ixracının azaldılmasını 2024-ün sonuna qədər uzadıb. 

OPEC+ ölkələrinin bu siyasəti dünya enerji mübadiləsində nələri dəyişə bilər?  

Mövzu ilə bağlı Ednews-a danışan ərəb iqtisadi ekspert Həyat Hüseyn bildirib ki, OPEC+ üzvlərinin qərarına Çin faktoru daha çox təsir edir:

“Əvvəlcə bunu deyim ki, OPEC+ dünyanın 55%-ni xammalla təmin edir. Bu təşkilatın üzvləri dünyanın neft reservlərinin 90%-nə sahibdir. Bir çox analitiklər düşünür ki, OPEC+ üzvləri iyunun 1-də keçiriləcək növbəti görüşdə neft istehsalındakı məhdudiyyətləri aradan qaldıracaq. 2024-cü ilin sonuna qədər neftin bir barrelinin qiymətinin 87-90 dollar olmasını gözlənilir.

Mən düşünürəm ki, neft təlabatına təsir edən bir çox iqtisadi faktorlar var. Bunlardan ən əsası təbii ki, dünyanın ən böyük idxalçısı Çindir. Çinin isə iqtisadi fəaliyyətində bilinməzlik və gözlənilməz dəyişiklik neft qiymətinə təsir edir. 

Neft nəhəngləri arasında baş tutan son görüşdən sonra öz iqtisadi marağını dəyişməyən ABŞ Mərkəzi Bankı isə, OPEC-in qərarından ciddi şəkildə təsirlənəcək.

Fərid