Dünyanın dəyişən siyasi vəziyyəti dövlətlərin iqtisadiyyat və eləcə də energetika sahəsində maraqlarının dəyişməsinə səbəb olub. Yaşıl enerji artıq bir neçə ildir ki, ölkələrin rəqabət apardığı ən böyük sahələrdən birinə çevrilib. Azərbaycan da bu sahədə öz sözünü deyən bir ölkə kimi Qarabağda yaşıl şəhərlərin yaradılmasını planlaşdırır.
Günümüzdə yaşıl enerji texnologiyalarının inkişaf etdiyini nəzərə alsaq təkcə alternativ enerjidən faydalanan şəhərlər yaratmaq mümkündür?
Mövzu ilə bağlı Ednews-a danışan macar iqtisadçı ekspert Vaşa Lazslo bildirib ki, hazırda yaşıl enerji sahəsində ən böyük problem enerjinin istehsal olunduqdan sonra saxlanılmasıdır:
“Şəhərləri yalnız alternativ enerji ilə təmin etmək, enerji saxlanması məsələsi həll olunarsa mümkündür. Nəticə etibarilə, günəş həmişə parlamır və külək də həmişə əsmir. Enerjinin saxlanılması batareyalı sistemlər və ya su enerjisi ilə həyata keçirilə bilər. Azərbaycanda bunun üçün ən optimal region Qarabağdır. Yaşıl enerjinin istehsal edildikdən sonra müəyyən şəraitdə qorunub saxlanılması məsələsi həll olunmazsa, qaz və ya neft enerji mənbələrinin istifadəsi tələb olunacaq. Qaz elektrik stansiyalarının əsas üstünlüyü, onların daha sərtləşdirilmiş şəkildə işlədilə bilinməsidir.”
Şəhərləri tamamilə yaşıl enerji ilə təmin etmək mümkündür?
“Mənim fikrimcə, hazırki şəraitdə bütün ölkələrə tamamilə yenilənmiş enerji təmin edilməsi mümkün deyil. Hətta, alternativ enerji sahəsində nümunə göstərilən Almaniya belə bunu etməyə yaxınlaşmayıb.
Məsələ burasındadır ki, yenilənə bilən enerji təlabatı qarşılamadıqda həmişə istifadə edilməyə hazır olan enerji mənbələrinə ehtiyacı var. Yaşıl enerjiyə tam keçid yalnız yüksək effektli enerji saxlama sistemləri mövcud olduqda mümkündür. Lakin, günümüzdə bu problem hələ ki, həll olunmayıb.”
Fərid Axund