ABŞ-nin növbəti 10 il ərzində idxal rüsumlarından əldə edəcəyi gəlirin təxminən 6 trilyon dollar olacağı proqnozlaşdırılır.
EDnews xəbər verir ki, bu barədə ABŞ Prezidenti Donald Trampın ticarət və istehsal üzrə baş müşaviri Piter Navarro məlumat verib.
Navarro bildirib ki, yalnız avtomobil tariflərindən ölkə büdcəsinə təxminən 100 milyard dollar vəsait daxil olacaq. O, eyni zamanda Tramp administrasiyasının Amerika istehsalı olan avtomobillərin alınmasını stimullaşdırmaq məqsədilə vergi güzəştləri tətbiq etməyi planlaşdırdığını qeyd edib.
“Tariflər ümumilikdə 600 milyard dollar gəlir gətirəcək ki, bu da 10 il ərzində təxminən 6 trilyon dollar deməkdir”, – deyə o vurğulayıb.
Şəms Qasımlı // EDnews
