Bu ilin l rübündə Azərbaycan Gürcüstan iqtisadiyyatına 30,4 milyon ABŞ dolları birbaşa investisiya qoyub.
“EDnews” xəbər verir ki, bu, ötən ilin eyni dövrü ilə müqayisədə 5 dəfə çoxdur.
Hesabat dövründə Azərbaycanın Gürcüstan iqtisadiyyatına investisiya qoyuluşunun ümumi investisiyalarda payı 1,8 %-dən 9,7 %-ə çatıb.
Rüb ərzində Gürcüstan isə Azərbaycan iqtisadiyyatına 10,2 milyon ABŞ dolları birbaşa investisiya yatırıb. Bu, 1 il əvvələ nisbətən 10,7 % çoxdur.
Hesabat dövründə Gürcüstanın Azərbaycanın iqtisadiyyatına investisiya qoyuluşunun ümumi investisiyalarda payı 0,6 %-dən 0,7 %-ə çatıb.
Xatırladaq ki, yanvar-mart aylarında Azərbaycandan xaricə yönəldilmiş birbaşa investisiyalar 315,1 milyon ABŞ dolları (ötən ilin eyni dövrü ilə müqayisədə 4,6 % az), ölkəyə xaricdən cəlb edilmiş birbaşa investisiyalar isə 1 milyard 519 milyon ABŞ dolları (0,7 % çox) təşkil edib.
