İş qrafiki dəyişsə, tıxaclar aradan qalxacaq? - Ekspertlər Cavab Verdi

Ekspert rəyi 11:28 08.04.2025

Məlum olduğu kimi, paytaxtın nəqliyyat infrastrukturunun təkmilləşdirilməsini nəzərdə tutan 2025-2030-cu illər üçün Dövlət Proqramında tıxacların aradan qaldırılması məqsədilə müəyyən işlərin görülməsi nəzərdə tutulub. Bu işlərdən biri də Bakıda nəqliyyat axınını optimallaşdırmaq məqsədilə dövlət qurumları, təhsil və tibb müəssisələrinin iş rejiminin dəyişkən iş qrafikinə əsasən tənzimlənməsidir. 2025-2026-cı illərdə dövlət və özəl sektorun, eləcə də təhsil və tibb müəssisələrinin iş rejiminin dəyişdirilməsi planlaşdırılır.

Qeyd edək ki, bu yanaşma ABŞ, Avropa, Türkiyə və Rusiyada artıq geniş şəkildə tətbiq olunur və Bakıda həyata keçiriləcək dəyişikliklər beynəlxalq təcrübəyə əsaslanır.

sahib.jpg

“EDnews” xəbər verir ki,  məsələyə münasibət bildirən Vətəndaşların Əmək Hüquqlarını Müdafiə Liqasının sədri, hüquqşünas Sahib Məmmədov hesab edir ki, iş saatlarının dəyişdirilməsi üçün hərtərəfli monitorinqlər keçirilməli, iş yerləri təsnifatlaşdırılmalı, işçilərin sayca çox olduğu müəssisələr müəyyənləşdirilməli, bu göstəricilərə uyğun iş rejimi müəyyən olunmalıdır:

 "Bütün bu proseslərdən sonra işəgötürənlərlə razılaşdırılaraq iş rejimi müəyyən edilə bilər. Bu prosesi bəzi iş yerlərində bir saat tez, bəzisində bir saat gec həyata keçirməklə tətbiq etmək mümkündür. Belə olan halda düşünürəm ki, tıxacları tənzimləmək mümkün olacaq".

S.Məmmədovun fikrincə, digər məsələlər də nəzarətə götürülərsə, nəticə daha ürəkaçan olacaq:

"Bu, kompleks tədbirlər çərçivəsində həyata keçirilməlidir ki, effektli olsun. Əsasən, təhsil müəssisələrində mümkün tənzimləmələr olmalıdır. Təhsil müəssisələri ilə bağlı xüsusi konsepsiya var. Hansı ki, bununla bağlı müəyyən işlərin görülməsi nəzərdə tutulub. Amma tıxacı yaradan məktəblərdir. Bəzi məktəblərin qarşısında maşınların saxlanılması və sair kimi məsələlər vəziyyəti daha da çətinləşdirir. O səbəbdən, bu kimi digər məqamlar da nəzarətə götürülməlidir".

Natiq.jpg

İqtisadçı ekspert Natiq Cəfərli düşünür ki, əgər doğru sistem tətbiq olunsa, iş rejiminin dəyişdirilməsi məntiqlidir:

“Dünyada da belə sistem var. Bəzi özəl qurumlar, dövlət qurumları özləri öz işçiləri ilə razılaşaraq yeddi-səkkiz saatlıq iş rejiminə riayət etməklə işə başlama saatlarını dəyişə bilərlər. Məsələn, bəziləri səhər saat 7-də gəlib 4-də gedə bilir, bəziləri 8-də gələrək 5-də gedir. Dünya təcrübəsində belə yanaşmalar kifayət qədər çoxdur. Azərbaycanda bunun hansı formada tətbiq olunacağı, özəl şirkətlərin bu məsələdə maraqlı olması sual yaradır. Dövlət sektorunda asandır, bir əmrlə məsələ həll olunacaq. Amma özəl şirkətlərdə bu, bir az problemli olacaq. Yəqin ki, özəl şirkətlərdə xüsusi təşviq proqramlarına da ehtiyac yaranacaq”.

Ekspert vurğulayıb ki, təkcə iş qrafikinin dəyişdirilməsi ilə problem həll olunmayacaq. Bakı şəhərində nəqliyyat infrastrukturunun köklü şəkildə yenidən qurulması vacibdir. Şəhərin tikintisi və planlaşdırılması müəyyən normalara uyğun aparılmalıdır. Bakı sürətlə böyüyür və bununla bağlı yeni strategiyalar hazırlanmalıdır.

Vüqar.jpg

Millət vəkili Vüqar Bayramov isə bildirib ki, dəyişkən iş rejimi sahibkarlıq sahəsinə ciddi təsir göstərməyəcək.

Yeni rejimdə iş vaxtı qısaldılmır, sadəcə vaxt dəyişir:

“Dəyişkən is qrafiki dövlət tərəfindən müəyyən edilə bilər, amma özəl sektor üçün məcburilik yoxdur. Özəl sektor üçün iş vaxtı ilə bağlı yalnız tövsiyə xarakterli müraciətlər təqdim oluna bilər. Şənbə və bazar günləri xidmət sektoru fəaliyyətini davam etdirir. Hətta dəyişkən qrafik olsa belə, xidmət sektorunda, xüsusən də özəl sektorun xidmətləri davam edir. Bu baxımdan iş vaxtının dəyişməsi sahibkarların fəaliyyətinə xüsusi təsir göstərməyəcək”.

ərşad.jpg

Nəqliyyat məsələləri üzrə ekspert, hüquqşünas Ərşad Hüseynovun dediyinə görə, "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nda yer alan məsələlərdən biri də iş qrafikinin dəyişkən rejimdə təşkilidir:

“İş vaxtlarının dəyişdirilməsi tıxaclarla bağlı vəziyyəti yaxşılaşdıra bilər. Bu qayda ağıllı tətbiq olunarsa, faydası ola bilər. Burada əsas hədəf pik saatlarını uzatmaqdır”.

Ə.Hüseynovun sözlərinə görə, pik saatın xüsusiyyəti odur ki, hamı eyni vaxtda işə gəlir və eyni vaxtda işdən qayıdır: “Bu zaman qısa müddətdə, təqribən 1 saat ərzində ictimai nəqliyyat yüklənir, hamı metroya, avtobuslara axışır və onlar bu yükü qaldırmaqda çətinlik çəkir. Bununla yanaşı hamı fərdi avtomobillərlə kütləvi şəkildə yola çıxır və yollar da bu yükü qaldıra bilmir. İş vaxtlarının fərqləndirilməsi pik saatlarını uzada bilər. Bu rejim hər kəs üçün faydalı ola bilər. İnsanları bunun faydalı olduğuna inandırmaq lazımdır”.

eldəniz.jpg

Nəqliyyat məsələləri üzrə ekspert Eldəniz Cəfərov qeyd edib ki, eyni saatda yola çıxan nəqliyyat vasitələri yolda sıxlıq yaradır və daha sonra bu sıxlıq tıxaca çevrilir:

“Bizim də bununla bağlı təkliflərimiz var idi. Neçə il idi, cəmiyyətdə də müzakirələr gedirdi ki, bəzi iş yerlərinin iş saatları dəyişdirilsin. Məsələn, hansısa bir idarədə iş səhər saat 8-də başlayırsa, onun saat 4-də bitməsi normal ola bilər. Yaxud da, iş saat 10-da başlayıb saat 6-da bitə bilər. Bu məsələ artıq dövlət proqramında da təsbit olunub. Fikrimcə, bu proses həyata keçiriləcək və əlbəttə ki, bunun şəhərdə və şəhər ətrafı ərazilərdə yaranan sıxlığa müsbət təsiri olacaq. Burada təhsil müəssisələri də ciddi rol oynaya bilər. Onlar fərqli saatlarda işə başlayıb, fərqli saatlarda bitirsə, şəhərdə sıxlıq azalar. İşə müxtəlif saatlarda başlamağın hər hansı iqtisadi zərəri də olmayacaq".

Mənbə: BakuPost.az

“Xatirələr işığında Heydər Əliyev” -in təqdimatı keçirildi

Xəbər xətti

Mina sahələrində ümidlərin bərpası - Thembisa Fakude yazır...
14:31 07.05.2025
ABŞ-nin daha bir döyüş təyyarəsi Qırmızı dənizə düşüb
12:32 07.05.2025
İslamabad: Hindistan Pakistanın su ehtiyatlarını hədəf alıb
12:27 07.05.2025
Sabah Bakıda hava yağmursuz olacaq
12:20 07.05.2025
Türkiyənin aparıcı universitetlərindən birinin tələbələri dahi Nizami Gəncəvinin irsi haqqında məlumatlandırılıb
12:18 07.05.2025
“Qoruqlar və muzeylər– keçmişdən gələcəyə körpü” mövzusunda III Quba Simpoziumu keçiriləcək
12:15 07.05.2025
Cenevrədə ABŞ ilə Çin arasında ticarət tarifləri üzrə danışıqlar aparılacaq
12:12 07.05.2025
Rusiyaya hücum: İki zavod, bir aerodrom vuruldu
12:04 07.05.2025
TikTok və Instagram Diplomatiyanın Yeni Alətlərinə necə çevrildilər?
11:55 07.05.2025
BMT nümayəndələri Hindistan Silahlı Qüvvələrinin zərbələrindən sonra Müzəffərabadı ziyarət ediblər
11:53 07.05.2025
Şəhid ailələri Çanaqqala şəhərini ziyarət ediblər
11:47 07.05.2025
Lamin Yamal daha bir rekorda imza atdı
11:32 07.05.2025
Bağdadda İraq və Azərbaycan XİN başçıları arasında görüş keçirilir
11:30 07.05.2025
Hindistanın Baş naziri xarici ölkələrə səfərlərini ləğv edib
11:25 07.05.2025
AZAL Hindistana və Rusiyaya reyslərini təxirə salıb
11:23 07.05.2025
Astanada İkinci Dünya müharibəsində Qələbənin 80 illiyi şərəfinə parad keçirilir
11:19 07.05.2025
Bu gün Xalq artisti Arif Quliyevin anım günüdür
11:12 07.05.2025
Xankəndidə “Heydər Əliyev irsi: Azərbaycan Konstitusiyası və suverenliyimizin bərpası” adlı elmi-praktiki konfrans keçirilir
11:09 07.05.2025
“Baku Open-2025” Beynəlxalq Şahmat Festivalının bağlanış mərasimi keçirilib
11:07 07.05.2025
Bu gün Xalq rəssamı Əzim Əzimzadənin anadan olmasının 145-ci ildönümü tamam olur
11:04 07.05.2025
Vatikanda yeni Roma Papasının seçilməsi prosesi başlayır
11:01 07.05.2025
Azərbaycan Pakistana qarşı hərbi hücumları pisləyib
10:54 07.05.2025
Yevlaxda 592 ədəd çətənə kolu əkməkdə şübhəli bilinən şəxslər saxlanılıblar
10:50 07.05.2025
Rusiyanın 30-dan çox şəhərində internet kəsildi
10:45 07.05.2025
Kəlbəcərə dolu düşüb
10:37 07.05.2025
Sabah Milli Məclisin Heydər Əliyevə həsr olunmuş xüsusi iclası keçiriləcək
09:01 07.05.2025
Ceyhun Bayramov İraqa rəsmi səfərə yola düşüb
08:01 07.05.2025
Hindistan ordusu Kəşmirdə nəzarət xəttində ağ bayraq qaldırıb
06:25 07.05.2025
Hindistan Hərbi Hava Qüvvələri dörd məscidə hücum edib
04:21 07.05.2025
Hindistan Pakistanın üç şəhərinə raket zərbələri endirib
00:13 07.05.2025
Mayın 7-də Beynəlxalq Planetariumlar Günü qeyd olunur
00:00 07.05.2025
QHT Agentliyi layihələrin icrasını 100 ballıq şkala ilə qiymətləndirəcək
14:26 06.05.2025
Kürdə suyun səviyyəsi artdı
12:32 06.05.2025
İlham Əliyev Belarusu Azərbaycanda keçiriləcək Dünya Şəhərsalma Forumunda iştiraka dəvət edib
12:28 06.05.2025
Sabah 28 dərəcə isti olacaq
12:25 06.05.2025
Ruben Vardanyanın cinayət işi üzrə məhkəmə davam edir
12:20 06.05.2025
Bakıda kibertəhlükəsizlik konfransı keçiriləcək
12:18 06.05.2025
Yuxuda bayquş görmək nə deməkdir? - Həqiqətənmi bədbəxtlik gətirir?
11:59 06.05.2025
İncilin əvvəllər məlum olmayan fraqmenti tapıldı
11:46 06.05.2025
Belarusun Baş naziri Zəfər parkını ziyarət edib
11:43 06.05.2025
Hamısı