Massaçusets Xəstəxanasının (ABŞ) tədqiqatçıları bir çox virus infeksiyasından qorunmaq üçün yeni potensial hədəfi aşkar ediblər.

Eurasia Diary xəbər verir ki, təcrübələr AGO4 adlı zülalın bir çox xəstəliklərin müalicəsində önəmli rola malik ola biləcəyini göstərib. Alimlər AGO4 hüceyrələrinin virus infeksiyalarından qorunmaqda əsas rol oynadığını aşkar ediblər. Siçanların immun hüceyrələri üzərində aparılan təcrübələrdə Argonaute ailəsindən bir neçə zülalın antivirus təsiri araşdırılıb. AGO4 çatışmazlığı olan hüceyrələrin virus infeksiyalarına qarşı xüsusilə həssas olduqları ortaya çıxıb.

"AGO4 səviyyəsinin aşağı olması siçan hüceyrələrinin yoluxma ehtimalını artırıb. Biz viruslarının zəif yerlərini tapa bildik ", - deyə müəlliflər izah ediblər.
Tədqiqatçılar hesab edirlər ki, AGO4 səviyyəsinin artması bir çox viruslardan qorunmaq üçün immunitet sistemini gücləndirə bilər. Alimlərin məqsədi universal müdafiə üsulu yaratmaq üçün immunitet sisteminin mexanizmlərini anlamaqdır.

Birinci növbədə, bu müəyyən bir virusa qarşı yeni peyvəndlərin yaradılması problemini həll edəcək. Məsələn, hazırda xüsusi bir müalicəsi olmayan COVID-19 koronavirusun qarşısının alınması hazırda dünya alimləri üçün əsas problemdir.

Tədqiqatın sonrakı mərhələlərində alimlər AGO4 potensialının hər hansı bir virus növündən qorunmasını təsdiqləməli, həmçinin virus infeksiyalarına qarşı müdafiəni məqsədilə AGO4 səviyyəsinin artırılması üsullarını inkişaf etdirməlidirlər.

Bu yaxınlarda, başqa alimlər qrupu QİÇS-İİV-dən qoruyan və bir sıra digər viruslar üçün potensiala sahib olan zülalı aşkar ediblər. Onların kəşfi universal virus əleyhinə müalicə üsulunun işlənib hazırlanmasına da səbəb ola bilər. (azərtac)