İsveçdəki Lund Universitetinin tədqiqatçıları, döymələri olan insanların limfoma riskinin döymələri olmayanlara nisbətən 21 faiz artdığını aşkar etdilər.
Ednews sozcu.com-a istinadən xəbər verir ki, tədqiqat üçün Lund Universitetinin komandası 2007-2017-ci illər arasında İsveçdə 20-60 yaş arasında lenfoma diaqnozu qoyulmuş hər kəsi (ümumilikdə 1398 nəfər) müayinə etdi və nəticələri xərçəngi olmayan insanlarla müqayisə etdi.
İştirakçılar həyat tərzləri və döymə olub-olmamaları, əgər varsa, döymənin nə qədər böyük olması, nə vaxt edildiyi və hər hansı döymənin silinib-silinməməsi ilə bağlı sorğular ediblər.
Dərc edilən nəticələr, lenfoma riskinin döymə etdirdikdən sonra ilk iki ildə ən yüksək olduğunu, sonra azaldığını, lakin 11 ildən sonra yenidən yüksəldiyini göstərdi. Tədqiqatçılar daha böyük döymələrin riski artıracağını gözləyirdilər, lakin bunun belə olmadığı ortaya çıxdı.
Epidemiologiya kafedrasının dosenti, “ölçüsündən asılı olmayaraq bir döymənin bədəndə xərçəngə səbəb ola biləcək aşağı dərəcəli iltihabı tətiklədiyini düşünmək olar”, - Christel Nielsen bildirib.
O, əlavə edib ki, tatu mürəkkəbi dəriyə vurulduqda orqanizm onu orada olmamalıdır yad bir şey kimi şərh edir və immun sistemi aktivləşir, ona görə də tatu vurulandan sonra ətraf bir müddət ağrılı və iltihablı olur.
Dr. Nielsen deyir ki, döymə mürəkkəbində ağır metallar kimi xərçənglə əlaqəli maddələr (yəni kanserogenlər) ola bilər və limfa düyünlərindəki hüceyrələr onlar üçün həssas hədəflərdir.
İsveçli tədqiqatçılar vurğuladılar ki, tapıntılar döymələrin lenfomaya səbəb olduğunu sübut etmir, lakin döymələri olan şəxslərin lenfoma riskini artırdığını göstərir. Bu, döymələrin sağlamlığa uzunmüddətli təsirləri ilə bağlı araşdırmalara ehtiyac olduğunu vurğulayır. Onlar indi tatuajların dəri xərçəngi də daxil olmaqla digər xəstəliklərin riskini artırıb-artırmadığını araşdırırlar.
Xəyal