Polis… Güvənimiz, inamımız, təhlükəsizliyimizdir…

"Bu gün Daxili işlər naziri general-polkovnik Vilayət Eyvazovun ad günüdür. Cənab naziri  ürəkdən təbrik edirəm. Qalib ölkəmizin  təhlükəsizliyini  qorumasında uğurlar diləyirəm".

Bu sözləri Ednews-a açıqlamasında Beynəlxalq Avrasiya Mətbuat Fondunun  prezidenti Umud Mirzəyev deyib.

"Ümummilli liderin məqsədyönlü siyasəti, hüquq-mühafizə orqanlarına diqqət və qayğısı nəticəsində, polis müstəqil Azərbaycanın dövlətçlik tarixində sabitliyin, ictimai rifah və ictimai təhlükəsizliyin qarantına çevrildi. Bu siyasətin möhtərəm Prezident İlham Əliyev tərəfindən uğurla və yaradıcılıqla davam etdirdi.

Fəlsəfədə deyilir ki, fədakarlıq, insan kamilliyinə doğru aparan yoldur. Deməli, polis həm də kamil olmalıdır, xidmətinə qanun çərçivəsində, həm də yaradıcı yanaşmağı bacarmalıdır.Ölkəmizdə vətəndaşların təhlükəsizliyinin təmin edilməsi istiqamətində görülən işləri beynəlxalq təşkilatlar, dünya dövlətləri də yüksək dəyərləndirir.Təbii ki, bu uğurların arxasında çətin və şərəfli xidmət aparan bütün hüquq-mühafizə orqanları ilə yanaşı Azərbaycan polisi də dayanır. Azərbaycan polisi də öz xidmətinə bu cür yanaşır, nəticələr də göz qabağındadır".