Hər bir millətin özünə xas tarixi, mədəniyyəti, milli-mənəvi, dini dəyərlərinə söykənən fərqli toy adət-ənənələri var. Elə bu səbəbdən də hər bir xalqın özünəməxsus, maraqlı bəzən təəccübləndirən toy qaydaları mövcuddur.
Suriyalılar adət-ənənələrinə sadiq millətdir. Ənənələrin qorunub-saxlanması Suriya toylarına da aiddir.
Bütün dünya toyları kimi Suriya toyları da çox şən, bər-bəzəkli keçir.
Toy ilk növbədə bəyin gəlinin valideynlərini razı salmaqla başlanır. Yəni Suriyalı bir gənc üçün evlənmək üçün əvvəlcə xanımını saxlamaq üçün yetərli imkana və evə sahib olması vacibdir. Bu səbəbdən oğlanlar ən tez 25-30 yaşlarında evlilik haqqında düşünürlər. Qızlar isə qisməti nə zaman açılarsa, o zamanda ailə qurarlar. Qarşılıqlı razılaşmadan sonra (əlbəttə ki, qızın da razılığı olmalıdır) təntənəli toya hazırlıqlar başlayır.
Suriyalar çox qonaqpərvər millətdir və bu xüsusiyyət onların toylarına da yansıyır. Toylar əsas sayılan günə qədər 6-7 gün ərzində təmtəraqlı şəkildə keçirilir. Hər hansı bir şadlıq sarayında yox, qız tərəf gəlingilin evində, oğlan tərəf isə bəyin evində toplaşır. Toya qonaqlar bəy və gəlin yox, onların valideynlərinin dəvəti ilə çağrılır. Qohum-qonşudan tutmuş hər kəs toya çağrılır. Ən böyük önəm isə xarici qonaqlara verilir. Qonaqlar isə ilk gündən hədiyyə olaraq canlı güllərdən başlayıb, əsas günə qədər daha da bahalı, qızıl daş-qaşlar hədiyyə edirlər. Əvvəllər geyimə mühafizəkar yanaşılsa da illər sonra geyimlər daha açıq-saçıq və göstərişli oldu. Qız tərəfdə və oğlan tərəfdə əks cinsə mənsub kiminsə olması qəti qadağandır. Toylar tamadanın müşahidəsi altında keçirilir. Ən sonuncu gündə isə artıq bəy və gəlin birgə iştirak edirlər. Bu zaman isə qadınlar bəzəkli geyimlərində yox, artıq çadraya bürünürlər. Çünki kişilərin olduğu ortamda qadınların başı örtüksüz olmağı haram buyrulmuşdu. Toyda spirtli içki çıxmaq şərtilə (çünki ərəb ölkəsində alkoqollu içkilər haram buyrulub) Suriyanın ən ləziz naz-nemətlərindən tutmuş, bütün dadlı nemətləri bişirilirdi, sonda isə tortun gəlişi ilə toy mərasimi sona çatırdı. Bəy və gəlini yalnız kişilər yola salır, qadınlar isə toyun necə maraqlı keçdiyi barədə danışarlar.
Rəna Mürşüd