Birləşmiş Ərəb Əmirliklərinin adı səsləndiyində reallıqdan daha çox nağıl və hər bir turistin səyahət etmək istəyəcəyi bir ölkə gözlər önünə gəlir. Çünki bu ölkə ucsuz-bucaqsız qumlar arasında bir sehirli oazisdir.
Bəs, görəsən maraqlıdır, orada toylar necə keçirilir?
Bu ölkədə evlənənləri gözləyən ən böyük hədiyyə dövlətin yeni evlənənlərə 20 min dollar civarında pul, hətta villa hədiyyə etməsidir.
Çoxlarına görə əgər ölkə müsəlmandırsa, o zaman burda əyləncə qadağandır. Xeyr! Bu əsla belə deyil. Bu ölkədə qadağa olunmuş sadəcə spirtli içki və donuz ətidir. Yoxsa şənliklərə gəldikdə, ərəblər bu cür təm-təraq içində necə əylənməyi mükəmməl bilirlər. Hətta Avropa toyları ilə müqayisə olunmayacaq dərəcədə möhtəşəmdir.
BƏƏ-dəki ənənəyə görə, ata ailə başçısı olduğundan toyun keçirilməsinə o qərar verir. Çox vaxt nikahlar uşağın xoşbəxt ailə həyatı qurması üçün deyil, əslində uşağı “satmaq” üçün bağlanır. Belə ki, ata öz borc qarşılığında qızını borclu olduğu ailəyə müqavilə əsasında ərə verə bilər, bir növ “sata” bilər.
Əmirliklərdə qadınlar kişilərdən ayrı yaşadıqları üçün övladlarına yoldaşı valideynlər seçə bilər. Ənənəyə görə gəlin gələcək həyat yoldaşını canlı yox, yalnız toy günü, ya da təsadüfən pəncərədən görə bilər, lakin bu barədə heç kimin xəbəri olmamalıdır.
Ölkədə oğlanla qızın birlikdə vaxt keçməsidir 9 yaşına təsadüf etdiyindən, gələcək ərinin kimin olduğunu bilmək üçün uşaqlıq xatirələrinə qayıtmalısan. Gəlinin atası, öz növbəsində, kürəkəndən qızını görüb-görmədiyini soruşmağa da borcludur.
Sadalananlar qəribə gəlsə də, qızını xoşbəxt görmək istəyən atalar övladları üçün gözəl bir hiyləsi var: qızın anası və özü ilə ünsiyyət qurarkən ata deyir ki, kişilər üçün kişi gecəsi təşkil etmək qərarına gəlib, və o məclisə qızını istəyənin gələcəyini də söyləyir. Bu anda ata qonaqların adını söyləyərkən qadınlarının reaksiyasına diqqət yetirər. Əgər emosiyalar müsbətdirsə, bu anda ata övladına onunla evlənmək istəyən adamın məhz bu adam olduğunu söyləyir. Əgər razılıq alınarsa, o zaman toya hazırlıq başlayır.
Hətta bu ölkədə 2 ailənin izdivacının 9-10 yaşında qurulduğuna da rast gəlmək olar.
Bilirsinizmi, BƏƏ-də demək olar ki, hər 13 ailədən biri milyonçu ailəsidir. Və buna görə də orta hesabla toy 80-100.000 dollar arasında dəyişir.
Uğurlu nişandan sonra ailənin xidmətçiləri xüsusi bayram paltarı geyinərək, qohumların və dostların evlərinə gedir, onlara şirniyyat və yeməklər təqdim edərək onları toya dəvət edirlər.
Toydan bir neçə gün əvvəl gəlinə çoxlu hədiyyələr təqdim olunur, həmçinin cehiz yığılır, bu da onun sırf şəxsi mülkü olaraq qalır. Bəy, bütün qohumları kimi, gələcək həyat yoldaşına ən yaxşı zinət əşyaları, paltar və bahalı parçalar hədiyyə edir. Hədiyyələr nə qədər bahalı və çox olsa, bu bəyin gəlinə olan sevgi və dəyərinin sübutudur.
Ənənəyə görə gəlinin barmağına nişan üzüyünü bəy yox, bəyin yaxın qohumlarından olan bir xanım taxar.
Nikah müqaviləsi bağlandıqdan sonra evlilik rəsmi hesab olunsa da, əslində nikah yalnız toy mərasimi keçirildikdə etibarlı sayılır.
Toydan əvvəlki son həftədə qız kiçik və tənha bir otaqda olmalı və sadə paltarlar geyinməlidir. Ərəblərə görə, toy gününə qədər gəlin müxtəlif və biri-birindən gözəl libaslar geyindikdə, o daha da gözəlləşəcək. Bəy isə öz növbəsində, son üç günü yaxın bir çevirədə - öz ailə və dostlar ilə keçirməlidir.
Digər ölkələrdə olduğu kimi bu ölkədə toylar kişi və qadınların ayrılıqda, hətta birlikdə də iştirakı mümkündür.
Əgər birlikdə qeyd edərlərsə, bu zaman qadınlar bayramda başlarına çadra taxarlar. Yox, əgər ayrılıqda...bu zaman gəlin kral taxtına bənzər bir oturacaqda əyləşər, qadınlar isə ətrafında rəqs edər.
Spirtli içkilərin olmaması istisna olmaqla, kişi məclisində xüsusi və qeyri-adi bir hal yaşanmır.
Məclisin sonunda kürəkən atası, eləcə də şahidlə birlikdə qadınlardan ibarət məclisə yollanar. Lakin getməmişdən öncə bu haqda məluamt verilər ki, qadınlar çadraya bürünməyə yetəri vaxtları olsun. Şənlik bitdikdən sonra isə bəy gəlini yanına aparır.
Ərəblərin qeyri-adi ənənələri olsa da, toy mərasimləri yadda qalan və əvəzolunmaz olmağı şərtdir. Axı toy mərasimi ilə dillərdə gəzib, xatirələrdə iz qoymalısan....
Rəna Mürşüd