Düyü həm Azarbaycanda, həm də dünyada ən çox istifadə olunan qida növlərindən biridir.
Bununla yanaşı, düyünün insanın həm daxilinə həm də xaricinə faydalarını saymaqla bitməz.
Ednews bu bitki növünün əvəzolunmaz faydalarını təqdim edir:
Sağlamlıqla bağlı faydalar
Düyü mədə şirəsini balanslaşdıraraq bağırsaqların işini tənzimləyir. Bundan əlavə, insan orqanizmində xolesterol səviyyəsini lazımi ölçüyə çatdırır.
Düyü pəhriz saxlayanlar üçün də olduqca faydalıdır. Belə ki,az kaloriyə malik olan bu qida növü insanın artıq çəki almasının qarşısını alır.
Kosmetologiyada istifadəsi
Düyüdən həm də üz dərisinə və saçlara təbii baxım etmək üçün istifadə olunur. Belə ki, qaynadılmış düyünün suyunun təmizlənmiş dəriyə çəkərək 30 dəqiqə saxlanması üz dərisindəki ton disbalansını aradan qaldıraraq, dəri tonunu bəyazlaşdırır, eləcə də sızanaqların qarşısını alır.
O, dəri ilə yanaşı, saçlara da olduqca faydalıdır. Belə ki, saçları qaynadılmış düyünün suyu ilə yumaq onların tökülməsinin qarşısını alır, saçqıranları zamanla yox edir və onlara canlılıq, parlaqlıq bəxş edir. Eyni zamanda saçların daha sürətli və sağlam uzanmasına gətirib çıxarır.
Nəzrin Beydiyeva
