Bu gün təbii daşların istifadəsi daha çox aksesuar dünyasında olmasına baxmayaraq, həyatın bütün sahələrində bir çox insan tərəfindən istifadə olunur və daşınır.
Ednews xəbər verir ki, bunun səbəbi daşların bir çox fiziki və zehni problemləri minimuma endirmək üçün istifadə olunmasındadır. Təbii daşların insan sağlamlığına müsbət fayda verdikləri elmi olaraq sübut edilmişdir. Daşlardakı enerjinin səbəbi milyonlarla ildir yerin altında və yerin enerji mərkəzinə yaxın olması kimi izah edilir. Hər daşın öz faydası və mənası var. Gəlin təbii daşlar və onların faydaları ilə tanış olaq.
Almaz - dünyada ən sərt və dəyərli daşlardan biridir. Buna görə də tapmaq olduqca çətindir. Almaz daşının faydaları bunlardır: daşıyan insana uğur qazandırır, insanı sakitləşdirir, nəzərdən qoruyur, insan bədənini pis və mənfi enerjidən təmizləyir.
Yaqut daşı - saçdığı işıq və təbiətdəki nadirliyi ilə çox qiymətlidir. Qəhvəyi və qırmızı rənglərin ən gözəl çalarlarını daşıyır. Yaqut daşı uğur daşı olaraq da adlandırılır. Yaqutun faydaları bunlardır: İnsana xoşbəxtlik və daha çox özünə güvənməyə imkan verir, insanın immunitet sistemini və qan dövranını tənzimləyir, mənfi duyğuları təmizləyir.
Əqiq - çox sərt bir daşdır. Güclü bir daş olduğu üçün terapiya vasitəsi olaraq da istifadə olunur. Əqiq daşının şəfa verdiyinə inanılır. Stressi minimuma endirdiyi və insana mənəvi təsir göstərdiyi bilinən bir daşdır. Əqiq daşının yaydığı güclü enerji insanları heyran edir və onlar üçün faydalıdır.
Ametist - daşı nəciblik və əzəmətin rəmzi olan bənövşəyi rəngi ilə enerji, xoşbəxtlik, dinclik və canlılıq verir. Enerjili bir daş olduğu üçün canlandırma təsiri var. Yaydığı enerji həmişə fayda verir və mənfilikdən qoruyur. Xüsusilə mənfi enerjili bir mühitdə yalnız müsbət enerjini cəlb edir. Şüalanma və mənfi enerjidən qoruduğuna, göz və ürək üçün yaxşı olduğuna inanılır. Qəzəbi sakitləşdirən, stresi atan və müsbət enerji verən bir xüsusiyyəti var. Buna görə də bir çox məkanlarda-restoranlarda, gözəllik salonlarında və s. ametist daşından istifadə edilir.
Kəhrəba - daşının ən çox bilinən faydası ağrı kəsici olmasıdır. Kəhrəba psixoloji problemi olan insanlar üçün şəfa mənbəyidir, bel və diz ağrılarının sağalmasında istifadə edilir. Buna görə də həkimlər xəstələrinə bu daşı məsləhət görürlər. Kəhrəba daşı zehni sağlamlığı qoruyur, bədənə canlılıq və enerji verir. Ətrafdakı mənfi enerjini aradan qaldırır və rahatlama hissi verir.
Pələng gözü - qiymətli daşlar arasında yer alan bu daş həm qadınlar, həm də kişilər tərəfindən aksesuar kimi istifadə edilir. Azadlıq daşı kimi simvollaşdırılan pələng gözünə cəsarət və sakitlik daşı deyilir. Pələng gözü baş ağrısı və yuxusuzluğu aradan qaldırır. Enerjiləri tarazlayır və iş həyatında uğur gətirir. Kabus görən uşaqlar üçün təsirli olduğu bilinir. İnsanlara dinclik və əmin-amanlıq verir.
Oniks daşı - qoruyucu bir daşdır və insanı keçmişdə yaşadığı psixoloji hadisələrdən və travmalardan qoruyaraq ruhi sağlamlığı qorumağı təmin edir. Şüurdakı mənfi düşüncələrdən qurtulmağa kömək edir. Sizi qurtulmaq istədiyiniz asılılıqdan azad edir(məsələn, alkoqol, siqaret və s.). Oniks daşının insanın özünü idarə etmə qabiliyyətini inkişaf etdirdiyi müəyyən edilmişdir.
Göy yaqut - kimi tanınan Sapfir daşının adı latınca mavi mənasını verən "Sapphirus" sözündən gəlir. Mavi, çəhrayı, narıncı, sarı, yaşıl, bənövşəyi və qara rənglərdə və ya şəffaf ola bilər. Tarix boyu padşahların və hökmdarların onları pislikdən, xəyanətdən və sehrdən qorumaq üçün istifadə etdikləri müqəddəs bir daşdır. Müxtəlif xəstəliklərə şəfa gətirdiyinə inanılır. Şəffaf sapfir insanda özünə inam, sevgi və işıq hiss etmənizi təmin edir. Mavi safir emosional travmaların yükünü yüngülləşdirərək azadlıq hissi verir.
İnci daşı - sizə güc, dinclik və işləmək əzmi verir. Həm də emosional qoruma üçün istifadə olunur.
Firuzə daşı - bəxt daşı kimi tanınır. Yaratdığı daxili əlaqələr sayəsində müalicəvi təsir göstərir. Şüuru genişləndirir və narahatlığı sakitləşdirir. Qan təzyiqini tənzimləyir və ürək xəstələri üçün faydalıdır. Yaradıcılıq
qabiliyyətini artırır. Buna görə də bir çox rəssam firuzə daşından istifadə edir.
Zümrüd daşı - yaşıl rənginə görə məhsuldarlıq və yağış rəmzi kimi tanınır. Təsəvvürü yaxşılaşdırdığına və yaddaşı gücləndirdiyinə inanılır. Göz ağrısını, iltihabı və halsızlığı aradan qaldırır. Həkimlər bəzən xəstələrinə zümrüd daşını tövsiyyə edirlər.
Dəyərli oxucular!
Almaz daşı kimi güclü, şəffaf saphir daşı kimi işıqlı, ametist daşı kimi canlı, yaqut daşı kimi uğurlu, inci daşı kimi zərif olmağınız diləyilə...
Xədicə İsmayılzadə