Kərəviz vitaminlərlə zəngin olan qidalar sırasındadır.
Ednews kərəvizin bilinməyən faydalarını təqdim edir:
Kərəviz gövdəsi, meyvəsi və yarpaqları da daxil olmaqla bir çox faydası var.Eyni zamanda, kərəviz sapı müasir təbabətdə də çox mühüm yer tutur. Kərəviz yarpaqları çox vaxt böyrək xəstəliklərinin qarşısının alınmasında, böyrək daşlarının müalicəsində istifadə edilir. İnsan bədənini xərçəngə qarşı mühafizə edən kərəviz yarpağı həm də antibakterial xüsusiyyətlərə malikdir.
Kərəviz sapından şirə hazırlamağın üsulları
Kərəviz sapı şirəsini zövqünüzə uyğun müxtəlif üsullarla hazırlaya bilərsiniz. Təbii ki, ən gözəl və təsirli üsul kərəviz saplarını sadə halda sıxmaq hesab olunur. Bunun üçün kərəviz saplarını yaxşıca yuyub şirəçəkəndən keçirmək kifayət edir. Ən məşhur və tətbiq olunan kərəviz sapı şirəsi resepti üçün sizə lazım olan inqridiyentlər aşağıdakılardır:
• Kərəvizin təxminən 2-3 sapı
• 1 çimdik cəfəri
• 1 limonun suyu
• 3 stəkan içməli su
Kərəviz sapının şirəsini hazırlamaq üçün bütün inqrediyentləri blenderə qoyun və qarışdırın. Əldə etdiyiniz qarışığın içindəki hissəcikləri təmiz tənzifdən süzərək ayırın. Daha sonra içə bilərsiniz. Ən təsirli üsul hazırladığınız şirəni hər səhər oyandıqdan sonra acqarına hazırlayıb içməkdir. Bu üsuldan faydalanmaq üçün 7 gün və ya 21 günlük istifadə etməlisiniz.
Kərəviz çayının faydaları
Kərəviz toxumlarından hazırlanan çay yuxu problemini həll etməyə kömək edir, eyni zamanda sakitləşdirici xüsusiyyətlərə malikdir. Çaydan əsasən qış aylarında istifadə immuniteti gücləndirir və insan orqanizmini qoruyuraraq xəstəliyə yoluxma nisbətini azaldır.
Əlavə olaraq, kərəvizdən iltihab əleyhinə vasitə kimi də istifadə edilir.
Nəzrin Beydiyeva
