Skandinaviya ölkələrindən biri olan İsveç Şimali Avropada yerləşir. Ölkə təhsil səviyyəsi, əhalinin yüksək yaşam standartları, valehedici təbiəti ilə dünyada məşhurdur.
Ednews səyahətsevərlərin bir çoxunun baş çəkmək istədiyi ölkə olan İsveç haqqında maraqlı məlumatları təqdim edir:
1. İsveçdə gecə yarısı günəşi deyilən bir təbiət hadisəsi var və bu zama günəş 24 saat batmır.
2. İsveçin Jukkasjärvi kəndində şimal işıqlarını seyr edə bilərsiniz.
3. Ölkənin şimal bölgələrində qış 7 ay davam edir. Həmin ərazilər hava çox soyuq və qaranlıqdır.
4. İsveçin şimalındakı Kiruna şəhəri mədən işləri səbəbilə çökür və hökumət təhlükəsizliyə görə oradakı evləri köçürür .
5. Ölkənin cənubu ilə şimalı arasında iqlim fərqi var. Şimalda şiddətli qar yağışları olduğu halda cənuba qar yağmır.
6. İsveç xalqı təkrar emala o qədər əhəmiyyət verirlər ki, tullantıları Norveç və İngiltərədən idxal edirlər. Onlar bu tullantıları ya təkrar emal edir, ya da kompost edib enerji üçün yandırırlar.
7. İsveçlilər metro stansiyalarından rəsm qalereyası kimi istifadə edirlər desək, yanılmarıq. Demək olar ki, bütün stansiyaları bacarıqlı rəssamların müxtəlif mövzularda olan rəsm əsərləri bəzəyir.
8. Ölkənin şimal tərəfində buzdan otel tikilib. Buzdan otel hər il hava şəraitinə görə may ayında dağıdılır, noyabr ayında yenidən tikilir.
Ülkər İsmayılzadə