Yaşadığımız planet minlərlə canlıya ev sahibliyi edir. Bəziləri çox kiçik olsa da bəzilərinin ölçüsü isə hamını heyrətə gətirir.
Ednews növləri arasında ölçüsünə görə fərqlənən heyvanları təqdim edir.
Mavi balina
Mavi balina təkcə ən böyük dəniz heyvanı deyil, həm də dünyanın ən böyük heyvanıdır. Bu balinaların uzunluğu 30 metr, çəkisi isə 200 tona çata bilər. Onların ürəkləri avtomobil böyüklüyünə, dilləri isə bir filin ağırlığına bərabərdir.
Duzlu su timsahı
Duzlu su timsahları təxminən 7 metrə qədər böyüyə bilir. Dünyanın ən güclü çənələrindən birinə malikdir. Timsahların cinsi yuvanın temperaturundan asılıdır. Yuva soyuq olarsa, əsasən, dişi timsahlar doğulur.
Yaşıl Anakonda
Nəhəng Yaşıl Anakonda 10 metrə qədər böyüyə bilir. Bu, zəhərli olmayan ilan növüdür, lakin ölçüsü və gücü onu son dərəcə təhlükəli edir.
Dəvəquşu
Qanadları 2 metrə çatan dəvəquşular inanılmaz qaçışçılardır. Onların sürəti saatda 50 kilometrə çatır. Dəvəquşuların ən mühüm silahı güclü ayaqlarıdır. Təxminən 3 metr enində nəhəng yuvalar düzəldirlər.
"Goliath" hörümçəyi
Bu hörümçək növü 28 santimetrə qədər böyüyə bilir. 12 santimetr bədəni olan bu növün 8 tüklü ayağı var. Bu nəhəng hörümçək növü insanlar üçün tamamilə zərərsizdir, lakin hücuma məruz qaldıqda dişləyə bilər.
Günəş balığı
Bu, ən ağır sümüklü balıqdır və 1 ton ağırlığındadır. Böyük ölçülərinə baxmayaraq, onların əsas qidası meduzadır. Sudan tullanmaq qabiliyyətinə malikdir.
Afrika fili
Nəhəng ölçülərinə baxmayaraq, Afrika filləri çox sürətlə hərəkət edə bilirlər: onların normal yeriş sürəti təxminən 6,5 km-dir. Onlar həm də çox yaxşı üzgüçüdürlər. Afrika filləri gündə 16 saat yemək yeyirlər. Onların gövdələrində 100.000 ayrı əzələ var.
"Leatherback" tısbağası
Bu tısbağa cinsi təxminən 2 metrə qədər böyüyə bilər. Onun çəkisi 1 tona yaxınlaşır. Digər tısbağalar kimi sərt qabığı yoxdur. Qabıq yerinə yumşaq dəriyə sahibdir. Onlar əla üzgüçüdürlər və 1 km dərinliyə qədər üzə bilərlər.
Ülkər İsmayılzadə
