Böyük Britaniyada demək olar ki heç bir cinayətkar “Mavrların qatili” kimi tanınan İan Bredi qədər nifrət qazanmayıb.
Ednews xəbər verir ki, 1960-cı illərdə 18 ay ərzində sevgilisi Myra Hindley ilə əlbir olub İngiltərənin şimal-qərbində beş uşağı qaçıraraq qətlə yetiriblər.
Daha sonra, Oldham şəhəri yaxınlığındakı “Saddleworth Moor” adlı boş ərazidə basdırdıqları qurbanların üçünün cansız bədənləri tapılıb.
İşin ən ağılasığmaz tərəfi isə, qətllərin təfərrüatları, Bredinin şərikinin qadın olması və qatilin tutulduqdan sonra törətdiyi cinayətlərin heç birindən peşmançılıq çəkməməsi olub.
Bredi 2 yanvar 1938-ci ildə İan Stüart adlı şotland ofisiantın qeyri-qanuni övladı olaraq dünyaya göz açıb. Bredinin təlatümlü keçmişi onun zorakı şəxsiyyətinin formalaşmasında mühüm rol oynayıb. Anası tərəfindən laqeydliyə məruz qalan Bredi Qlazqonun ən pis gecəqondularından hesab olunan “Qorbals”-da bir ailə tərəfindən övladlığa götürülüb. Hələ yeniyetmə ikən törətdiyi xırda cinayətlərdən sonra hakim onu anası və yeni əri Patrik ilə birlikdə yaşamaq üçün Mançesterə göndərir.
O, ögey atasının soyadını aldıqdan sonra da cinayət əməllərini davam etdirib və gənc yaşlarında spirtli içki aludəçisi olub. Bu dövrdə o, nasist Almaniyası, sadizm və cinsi pozğunluq haqqında kitablar oxumağa başlayır. Bredi işlədiyi şirkətin katibəsi olan Myra Hindley ilə də elə burada tanış olur. İlk baxışdan Brediyə aşiq olan Hindley münasibətləri inkişaf etdikcə birlikdə insan oğurluğu, uşaq təcavüzü kimi qətllər törədirlər.
.jpg)
1963-cü ilin iyulundan 1964-cü ilin dekabrına qədər 16 yaşlı Pauline Reade, 12 yaşlı Con Kilbride və 12 yaşlı Keyt Bennett Mançester ərazisində itkin düşüblər. Digər qurban, 10 yaşlı Lesli Enn Douni 26 dekabr 1964-cü ildə yoxa çıxıb. Konkret sübutu olmayan polisi bir-biri ilə əlaqəsi olmadığını düşündükləri bu hallar təəccübləndirib. Bu vaxt Bredi və Hindley Devid Smiti də öz dəstələrinə cəlb etməyə çalışırdılar.
Xırda cinayətlərə görə məhkum olunmuş Smit, iş qətlə gəldikdə Bredinin bunu edə biləcəyini soruşmağa başladı. 6 oktyabr 1965-ci ildə Ian Bredi, Smitə özünü sübut etmək üçün yeniyetmə Edvard Evansa hücum edərək onu balta ilə boğur. Hadisədən sonra Smit polisə zəng edərək onu satır. Polis cəsədi yataq otağından çıxarmağa çalışan Bredi və Hindleyi tutur.
Brady-nin 12 yaşlı qonşusu cütlüklə Saddleworth Moora getdikləri səyahətdən danışır və polis araşdırması nəticəsində oktyabrın 16-da Lesley Enn Downey-nin cəsədi tapılır. 4 gün sonra Bredinin mənzilində aparılan növbəti axtarış zamanı iki çamadan tapılır. Tapılan çamadanlarda kiçik qızın çılpaq fotolarını və işgəncə zamanına aid olan səs yazılarını tapıblar. Bredinin əşyaları arasında Saddleworth Moorda çəkilmiş digər fotoşəkillər də var idi.
Qətllərinin üzəri açılan cütlük həbs edilib. 19 il sonra - 1985-ci ilin noyabrında psixi xəstə diaqnozu qoyulan Bredi həbsxanadan maksimum təhlükəsizlik rejimiylə təmin olunan psixiatriya müəssisəsinə köçürülüb. Orada olarkən o, jurnalistlərə verdiyi müsahibələrində Pauline Reade və Keith Bennett-in qətllərini də etiraf edib.
Qeyd edək ki, Hindley 2002-ci ildə, İan Bredi isə 2017-ci il 15-may tarixində həbsxanada dünyasını dəyişib.
Nəzrin Beydiyeva
