“Allah hər bir qapıya övlad, nəvə göndərsin. Hər bir qadına bu sevinci yaşamağı arzu edirəm”.
Ednews Bizim.Media-ya istinadən xəbər verir ki, bu sözləri növbəti dəfə nənə olan Xalq artisti Flora Kərimova Bizim.Media-nın əməkdaşı ilə söhbətində deyib.
Sənətkar nəvəsini sentyabr ayında görə biləcəyini açıqlayıb.
“Nəvəmi hələ görməmişəm. İnternet üzərindən foto və videoları göndərirlər. Allah mənə ömür versin. Qızım, oğlum, kürəkənim və yeni doğulmuş nəvəm eyni zamanda böyük nəvələrimdən də hansısa biri sentyabr ayında Bakıda gələcəklər. Mütləq şəkildə nəvəmi bütün Azərbaycanı gəzdirib, tanış edəcəyəm”.
Qeyd edək ki, F.Kərimovanın Londonda yaşayan qızı Zümrüd dünyaya oğlan övladı gətirib.