5 gün öncə Hindistan Hərbi Hava Qüvvələri Yer kürəsində mövcud olan heç bir uçuş aparatına bənzəməyən naməlum uçan obyekt vurublar. Hindlilər vurduqları hava cisminin klassik “uçan boşqab”a bənzədiyini bildiriblər.
Ednews Lent.az-a istinadən xəbər verir ki, hadisə dünya mətbuatında artıq “Hindistan Rozveli” adlandırılmağa başlayıb. Bənzər hadisə 1948-ci ildə ABŞ-ın Rozvel şəhəri yaxınlığında baş vermişdi.
Hava cismi heç bir xəbərdarlığa və siqnala cavab vermədiyinə görə, reaktiv təyyarə tərəfindən vurulub.
Sirli aparatın düşdüyü ərazi dərhal polis və hərbiçilər tərəfindən mühasirəyə alınıb. Ərazidə çoxlu sayda konusabənzər xırda sirli cisimlər tapıbılıb. Tapılan hava gəmisinin hərbi laboratoriyaya aparıldığı bildirilib və başqa məlumat verilməyib.
