Ödəm son zamanlar tez-tez eşitdiyimiz və daha çox qadınların hamiləlik zamanı qarşılaşdığı və problemlərdən biridir. Bu kimi problemlər toxumalarda artıq mayenin yığılması nəticəsində yaranır. Ödəm bədənin müxtəlif nahiyələrində - ayaqlarda, qollarda, əllərdə, çiyinlərdə şişkinliklə müşahidə olunur. Yalnız yerləşdiyi nahiyəni deyil, ətrafdakı orqanlara da təsir edir və ağrıya səbəb olur. 

 

 

Ödəm həmçinin qəbul edilən dərmanlara görə də baş verə bilər. Bundan əlavə, infeksiyalar və bir çox sağlamlıq problemləri toxumalarda maye yığılmasına səbəb ola bilər. Qaraciyər, ürək və böyrək xəstələrində görülən ödəm bədəndə artıq mayeni saxlayan duzun xaric edilə bilməməsi səbəbindən meydana gəlir. Daha sonra həmin nahiyə şişir və özünü göstərir. Ancaq bitki mənşəli reseptlərlə də ödəmdən xilas olmaq mümkün ola bilər. 

 

Ödəmi bədəndən necə xaric etmək olar?

 

İlk olaraq ödəmin bir neçə növü var. Yüngül ödəm adətən qısa müddətdə yox olur. Daha şiddətli ödəmi aradan qaldırmaq üçün isə müxtəlif dərmanlardan da istifadə olunur. Dərmanların yan təsirləri ola biləcəyi üçün həkim nəzarəti altında istifadə etmək tövsiyə olunur. Bu dərmanlar ödəmin təkrar əmələ gəlməsinin qarşısını ala bilsə də onun yenidən yaranmasının qarşısını ala bilməyə qarantiya vermir. Bunun üçün ödəm müalicəsi başlanmalı, ödəmin səbəbi araşdırılmalı və tapılmalıdır. Əgər ödəm dərman istifadəsi nəticəsində yaranıbsa, həmin preparatların qəbulu dayandırılmalı və onlar digərləri ilə əvəz edilməlidir.

 

Hansı qidalar ödəmi atmağınıza kömək edə bilər?

 

Ödəmdən qurtulmaq üçün maqneziumla zəngin, tərkibində B6 vitamini, bol kalium olan qidalar və təbii sidikqovucu bitkilərdən istifadə etmək tövsiyə olunur. Fındıq, tünd şokolar, yaşıl yarpaqlı tərəvəzlər, banan, kartof, qoz, ət, avokado, pomidor və s. kimi qidlardan istifadə bədəndə ödəmin yaranmasının qarşısını alır.

 

Ödəmdən təsirlənən ayaq və ayaq əzələləri gündəlik məşqlərlə hərəkətə gətirilməlidir. Ayaq əzələsinin hərəkətliliyi, artıq mayenin ürəyə doğru yönləndirilməsi deməkdir. Bu da ödəmdən qurtulmağa kömək edir.

Ayağın şişmiş hissələrini gündə bir və ya iki dəfə ürək səviyyəsindən yuxarı tutmalıyıq. Duz istehlakı mütləq azaldılmalıdır.

 

Qollardakı ödəmi necə aradan qaldırmaq olar?

 

Ödəm toplanan nahiyə hər gün masaj edilməli, effektivliyi artırmaq üçün bəzi kremlər, manjetli əlcəklərdən də istifadə olunmalıdır. Ödəmi aradan qaldırmaq üçün bitki tərkibli çaylardan istiadə etməyə də fayda var. 

 

Bizə lazım olan ərzaqlar: 1 litr qaynadılmış su, 1 dəstə cəfəri, 1 fındıq ölçüsündə zəncəfil, 2 darçın çubuğu, 1 limon, yaşıl almadır.

 

Hazırlanması: 1 litr qaynadılmış suya 1 dəstə cəfəri doğrayın və üzərinə doğranmış alma, limon və zəncəfil parçalarını əlavə edin. Darçın çubuğunu əlavə etdikdən sonra 5 dəqiqə qaynadın. Sonra bütün qarışığı süzgəcdən keçirin və soyuduqdan sonra için.

 

Albalı saplı yaşıl çay

Bizə lazım olan ərzaqlar: 1 qırmızı alma, 1 limon, 10-15 albalı sapı, 10-15 cəfəri sapı, 5-6 mixək, 2 çimdik yaşıl çay.

 

Hazırlanması: Albalı və cəfəri saplarını 1 litr qaynar suya əlavə edin. Dilimlənmiş alma və limon parçalarını üzərinə qoyun. 2 çimdik yaşıl çay və mixəyi əlavə etdikdən sonra 5 dəqiqə qaynadın və qarışığı süzün. İsti və ya soyuq içə bilərsiniz.

 

 

Nəzrin Beydiyeva, Ednews.net

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary