Çay mədəniyyətimizin əsas simvollarından biridir. Gündəlik həyatımızda qəbul etdiyimiz mayenin əsasını da çox zaman çay təşkil edir. Ancaq, təsəsüf ki, istər səhər yeməyi zamanı, istərsə də axşam yeməyindən sonra içdiyimiz çayın çox da faydalı olduğunu deyə bilmərik.

Bəs, çayın hansı zərərləri var?

Mütəxəssislərin fikirincə, çayı çox içmək ürəkbulanma, baş ağrısı, əsəb pozğunluğu, ürək döyüntüsü, əllərdə titrəmə, dəmir çatışmazlığı, qan azlığı və yuxusuzluq kimi bir çox problemə səbəb olur. Çayın zərərləri bununla da bitmir...

İshal

Çayın tərkibindəki kofein gündəlik qəbul edilməli olan miqdardan çox qəbul edilərsə, həzm sistemini stimullaşdıraraq ishala səbəb olur. Bundan başqa, çay orqanizmdəki mərkəzi sinir sisteminə də təsir edərək insanın hadisələr qarşısında əsəbi və gərgin olmasına gətirib çıxarır.

Qəbizlik

Çayın tərkibindəki "tanin" adlı maddənin bədəndə toplanması qəbizliyə səbəb olur.

Mədə narahatlığı

Çayın tərkibində kofein var. Kofein mədəyə çatdıqda müxtəlif turşulu maddələrin əmələ gəlməsinə səbəb olur. Turşu maddələr bədənin qəbul edə biləcəyindən çox olduqda, mədə narahat olur. Ümumiyyətlə, xora, qastrit və ya mədə xərçəngi kimi xəstəliyiniz varsa, çaydan uzaq durmağınız mütləqdir.

Yuxusuzluq

Gün ərzində çayı çox içən insanlar yuxusuzluq problemi ilə daha çox üzləşirlər. Çünki, çay insanı fiziki və zehni olaraq stimullaşdıraraq yuxusuzluğa səbəb olur. Həmçinin sağlam və fit qalmaq üçün çaydan istifadəni kəsmək arzuolunandır.

Premenstural sindrom

Həddindən artıq çay qəbulu qadınlarda menstruasiya öncəsi sindroma, yəni gərginliyə səbəb olur. Premenstural sindromun psixi depressiya, gərginlik, əsəbilik, həddindən artıq yorğunluq və həssaslıq kimi simptomları var.

Böyrək xəstəlikləri

Çay istehlakı böyrək xəstəliklərinin əsas səbəblərindən biridir. Belə ki, çayın tərkibindəki oksalat böyrək daşlarının əmələ gəlməsinə səbəb olur.

Qida borusu xərçəngi

İçilən isti çay qida borusu xərçənginin yaranmasına da səbəb ola bilər. Çünki, bu zaman qida borusundakı kanal zədələnir və nəticədə xəstəlik yaranır.

Ödəm və şişkinliyə səbəb olur

Əgər gündə 4 stəkandan çox çay içərək 2 litrdən az su qəbul etsəniz, bədəninizdə ödəm və şişkinlik təhlükəsi yaranacaq. Davamlı çəki dəyişikliyi yaşayırsınızsa, bunun səbəbi həddindən artıq çay istehlakı səbəbiylə ödəmdir.

İnsulin müqavimətini artırır

İnsulin müqaviməti qaraciyər və mədəaltı vəzinin düzgün işləmədiyini göstərir. Qaraciyər xəstəliyiniz və ya insulin müqavimətiniz varsa, çaydan istifadəni azaltmağınız mütləqdir.

Nəzrin Beydiyeva

• Tag:
• çay
• ednews
• yuxusuzluq