Dekabr ayının 25-i hər il xristian ölkələri İsa Peyğəmbərin anadan olmasını qeyd edir.
İsa peyğəmbərə həsr olunan mərasim Bakıdakı Müqəddəs Məryəm Ana kilsəsində də keçirilib.
Ednews-un əməkdaşı da həmin dini mərasimdə iştirak edib.
Qeyd edək ki, Müqəddəs Məryəm Ana kilsəsi 2008-ci ildə italyan memarı Paolo Ruceyro-nun layihəsi əsasında tikilib.
Memarlıq üslubuna görə neo-qotikaya aiddir. Kilsənin girişi üstündə Məryəm Ananın yerli heykəltaraşlar tərəfindən işlənilən heykəli qoyulmuşdur. Kilsənin təqdisetmə ayinini 29 aprel 2007ci ildə Cənubi Qafqazın apostol nunsisi monsenyor Klaudio Qucerotti icra etmişdir. Kilsə 200 nəfərlik oturaq yerə hesablanıb.
Kilsənin tikintisi roma papası II İoann Pavelin 2002-ci ildə Azərbaycana səfəri zamanı razılaşdırılmışdr. Kilsənin tikintisi üçün torpaq sahəsini prezident Heydər Əliyev Azərbaycanda Katolik Kilsəsinə hədiyyə edib.
Vaxtilə müqəddəs roma papaları Bakıya ziyarəti zamanı kilsəyə baş çəkərək dualar oxuyublar. Sözügedən kilsə Vatikanın nəzdində fəaliyyət göstərir.
Yunis Abdullayev