Heyvanların zəlzələdən öncə qəribə davranışları haqqında çox şey eşitmişik. NASA və İngiltərənin Open Universiteti canlıların bu davranışlarına dair maraqlı açıqlama verib.
2009-cu ildə İtaliyanın Laquila bölgəsindəki zəlzələ zamanı göldə yaşayan qurbağalar yuvalaını kütləvi sürətdə tərk etmişdilər. Araşdırmaçıların fikrincə, yer qabığında meydana gələn dəyişikliklər suya təsir edir. Suda, su hövzələri ətrafında yaşayan heyvanlar da bu sularda meydana gələn dəyişikliklərə qarşı həssaslıq nümayiş etdirir və yer qabığında olacaq hərəkətliliyi günlər öncədən hiss edirlər.
Qeyd edək ki, mövzu ilə bağlı daha öncədə aparılan araşdırmalar qurbağalardan başqa sürünənlərin və balıqların da böyük təbiət hadisələrindən öncə qəribə davranışlar nümayiş etdirdiklərini ortaya çıxarmışdı.
Aynurə İsmayılqızı
