Ednews mövzu haqqında araşdırmanı təqdim edir.
“Bermud üçbucağı” və ya başqa adla “Şeytan üçbucağı” sirlərlə dolu bir bölgədir. Qəflətən yoxa çıxan gəmilər, təyyarələr və onların ağıllarda yaratdığı suallar... Bəzi insanlara görə bu, olduqca normal, elmi səbəbi olan bir hadisə, bəzilərinə görə isə fövqəltəbii varlıqlarla əlaqəli qəribə bir olaydır.
“Bermud üçbucağı” deyiləndə sirlərlə dolu bir bölgə yada düşür. 50-dən çox gəmi və 20 təyyarənin müəmmalı şəkildə yoxa çıxdığı bidirilən bu ərazi Atantik okeanının şimalında Florida, Bermud adaları və Puerto-Rikonu birləşdirən şərti xətlərlə üçbucaq şəklini alır.
İlk zamanarda burada maqnitli sahənin olduğu güman edilirdi, sonralar aparılan müzakirələr bu sirrə fərqli baxışlar əlavə etdi. Hətta bildirilib ki, buradan keçən gəmilər heç bir aydın səbəb olmadan tərk edilib, SOS siqnalı verməyib və bir daha onlardan xəbər alınmayıb. Təyyarələrin yoxa çıxdığı və xilasetmə missiyalarının bölgədə uçarkən itdiyi bildirilir. Bu yoxa çıxmaların fövqəltəbii səbəbləri ilə bağlı nəzəriyyələr çox olsa da, güman ki, geofiziki və ətraf mühit faktorları ilə daha çox əlaqəlidir.
Buradakı maqnit sahəsi gəmilərdəki elektrik siqnallarına zərər verdiyinə və kompasları xarab etdiyinə görə onları səhv istiqamətə yönəltməsi də iddialar arasındadır. Ancaq bölgədə aparılan araşdırmalar bu bölgədə hər hansı bir maqnit olduğunu göstərmir.
Başqa bir nəzəriyyəyə görə “Bermud üçbucağı”nda təbii qaz sahəsi olub. Bu nəzəriyyəyə görə “Şeytan üçbucağı” Gulf Stream deyə adlandırılan isti su axıntısının keçdiyi ərazidə yerləşir. Burada okeanın dərinliyindəki torpağın səthi dəhşətli dərəcədə qızaraq təbaşir qazarını əridir. Bu zaman yüngülləşən qazlar suyun səthinə çıxaraq o an üzərində olan hər şeyi içinə çəkir.
Xristofor Kolumb isə gündəliyində bu ərazidə göydə uçan və daha öncə heç görülməmiş qəribə cisimlərdən bəhs edib.
Bəs maraqlıdır? Realda ortada bir sir mövcuddurmu? Larry Kusche adlı araşdırmaçı-jurnalist və pilot tam olaraq bu sualı araşdırdı. Sonralar Kushe bu mövzuda irəli sürülən bütün nəzəriyyələri yalan çıxaran kitab yazdı və qeyd etdi ki “Bermud üçbucağı”nda heç bir sirr yoxdur.
Mehri Ağayeva
