"ABŞ İranın nüvə obyektlərinə endirilən zərbə ilə bağlı NATO müttəfiqləri ilə məsləhətləşməyib".

“EDnews” xəbər verir ki, bu barədə RMF24 radiostansiyasının efirində Polşa Müdafiə Nazirliyinin rəhbərinin müavini Pavel Zalevski bildirib.

O, ABŞ-nin İrana maksimum məxfilik şəraitində zərbə endirdiyini vurğulayıb.

"ABŞ (NATO) müttəfiqləri ilə İrana qarşı siyasəti ilə bağlı məsləhətləşmir", - o bildirib.

Eyni zamanda, siyasətçi qeyd edib ki, Varşava amerikalıların hərəkətindən təəccüblənməyib, çünki bu vəziyyət son həftələrdə nəzərə alınıb.

Zalevski Yaxın Şərqdəki eskalasiya mövzusunun Alyansın iyunun 24-25-də Haaqada keçiriləcək sammitində əsas mövzu olmayacağını bildirib və bunun, şübhəsiz ki, pərdəarxası fəal müzakirə ediləcəyini vurğulayıb.

"Sammitin əsas mövzusu Rusiyanın yaratdığı təhlükəyə qarşı hazırlıq olacaq", - o əlavə edib.

Qeyd edək ki, iyunun 13-də gecə saatlarında İsrail İranın bir sıra nüvə obyektlərinə və paytaxt Tehrana zərbələr endirib. Bir neçə yüksəkvəzifəli hərbçi və nüvə alimləri həlak olublar. Eskalasiya hələ də davam edir.