NASA insanları Aya göndərməklə kifayətlənmir, həm də onlara orada yaşamaq imkanı vermək istəyir.
Ednews xarici KİV-əə istinadən xəbər verir ki, kosmik agentlik ev tikmək üçün artıq Texasın Ostin şəhərində yerləşən bir şirkətlə anlaşıb.
Ostində yerləşən 3D şirkəti "ICON" "Project Olympus" adlı layihədə Ay torpağından istifadə edərək 2040-cı ilə qədər evlər tikəcək.
Şirkət evlər və digər binalarda istifadə ediləcək betona bənzər maddə yaratmaq üçün Ayın səthindən toz, qaya və mineral parçalarından istifadə etməyi planlaşdırır.
"ICON"un kosmik şəraiti necə idarə edəcəyini görmək üçün gələn fevral ayında NASA-nın Marshall Kosmik Uçuş Mərkəzində sınaqlar keçiriləcək. Evlərdən başqa NASA universitetlər və özəl şirkətlərlə qapılardan plitələrə, mebellərə kimi digər məişət əşyaları üzərində işləyir. Atmosfer problemi barədə hələlik heç bir açıqlama yoxdur.
Əkbər