Adobe şirkəti yeni süni intellekt aləti yaradıb.
Ednews şirkətin paylaşdığı xəbərə istinadən xəbər verir ki, "Project Stardust" adlı süni intellekt mühərriki haqqında təqdimat videosunu paylaşan Adobe, Photoshop dünyasında inqilab edəcək bir inkişafla gündəmə gəlib.
Qrafika ilə maraqlanan şəxslər, istər peşəkarlar, istərsə də həvəskarlar, bəzən üzərində işlədikləri işə çox vaxt ayırmalı olurlar. Adobe-nin yeni süni intellekt mühərriki Project Stardust məhz bu məsələyə diqqət yetirir. Yeni alət Photoshop işində təsvirin bir kliklə dəyişdirilməsinə və təkmilləşdirilməsinə imkan verəcək.
Məsələn, videoda gördüyümüz sarı çamadanı daşımaq, gizlətmək və hətta başqa bir obyektə çevirmək olar. Videonun davamında görünən şəxsin geyindiyi pencəyin forması və rəngi asanlıqla dəyişdirilə bilər. Belə dəyişikliklərin heç bir texniki bilik və bacarıq tələb etmədən bir kliklə şəkillər üzərində edilə bilməsi süni intellektin gücünü və Adobe-nin uğurunu göstərir.
Əkbər
.png)
