Ruanda höküməti Marburq virusunun mənbəyini aşkarlayıb. Belə ki, virusun yayılma səbəbinin yarasaların məskunlaşdığı mağaralarda davam edən mədənçilik fəaliyyətləri olduğu aşkarlanıb.

Ruanda Səhiyyə Naziri Sabin Nsanzimana qeydə alınan ilk yoluxma halının da bu mağaralarda aparılan qazıntılarda çalışan mədənçilərdən birində rast gəlindiyini təsdiqləyib. O həmçinin mədənçilərin yarasalara təmasını minimallaşdırmağın əhəmiyyətini vurğulayıb.

Xatırladaq ki, Marburq virusunun yayılma sürətinin artmağı bir aya yaxın müddətdir ki, davam edir. Bu müddət ərzində 64 yoluxma halı qeydə alınıb ki, yoluxanlardan 15-i  həlak olub.

Səhiyyə naziri qeyd edib ki, virusun yayılmasına qarşı mübarizə çərçivəsində Ruanda höküməti  faydalı qazıntıların çıxarılmasını dayandırıb, yayılma riski yüksək  olan bölgələrin sakinlərini və tibb işçilərinin vaksinasiyasına start verib.

Marburq virusu 1967-ci ildə Almaniyanın Marqurq və Serbiyanın Belqrad şəhərində yayılan Ebolaya bənzəyən epidemiya növüdür.

Afrikada 24%-dən 88%-ə qədər yoluxma-ölüm göstəricisi olan bu virus daha öncə 2017-ci ildə Uqanda, 2022-ci ildə Qana,2023-cü ildə isə Ekvatorial Qvineya və Tanzaniyada yayılmağa başlayıb.

EDnews