Qafqaz həmişə qonaqpərvərliyi ilə tanınıb. Buna baxmayaraq, Azərbaycandakı turistlərin rəyləri həmişə ideal olmur.
Rus yazıçısı Yazıçılar İttifaqının Volqoqrad şöbəsinin rəhbəri Aleksandr Çukanov Odlar yurduna ilk səfərilə bağlı təəssüratlarını Eurasia Diary ilə bölüşüb.
O, Azərbaycanın qədim mədəniyyəti və tarixindən məmnun qalıb və daha əvvəl bu gözəl ölkəyə gəlmədiyi üçün təəssüfləndiyini deyib.
"Bakı gözəlliyilə əksər Avropa paytaxtlarını geridə qoyur. Hər bir turistin ziyarət etməli olduğu İçəri Şəhər və Heydər Əliyev Mədəniyyət Mərkəzini vurğulamaq istəyirəm. Biz gəzintiyə çox vaxt sərf etdik, amma yaşadığımız emosiyalardan dolayı yorğunluq hiss etmədik", deyə Aleksandr heyranlıqla bildirir.
Ancaq bir çəllək balda ənənəvi olaraq bir qaşıq qarayağ tapıldı. Qonaq Azərbaycan gömrüyünü tənqid etdi.
Onun sözlərinə görə, o, bura öz sərgisini təqdim etmək üçün Bakıya gələn Volqoqrad memarlarının nümayəndə heyətinin tərkibində səfər edib.
Onun rəhbərlik etdiyi nəşriyyat nümayəndə heyətini çap məhsulları ilə təmin edib. Yeri gəlmişkən, bu ekspozisiya artıq Avropanın yarısını gəzib.
Mayın 1-dən 2-nə keçən gecə onların avtobusu Azərbaycan sərhədinə çatanda nəqliyyat vasitəsini neytral zolaqda saxlayıblar və 24 nəfərdən ibarət olan sərnişinlərin hamısından sərhəddən keçmələri istənilib.
"Orada biz məlumat verilmədən gecə soyuq havada iki saat ilişib qaldıq. Bizim aramızda uşaqlar var idi. Yaxınlıqda bir dənə ayaqyolu belə yox idi ", - deyərək qonaq şikayət edir.
Aleksandrın sözlərinə görə, xoşbəxtlikdən, donmuş heyətin yaxınlığında onlara yazığı gələn azərbaycanlı olub və o gömrük postuna zəng edib.
Onun sözlərinə görə, hər şey sürücünün gömrük məmurlarına 150 dollar verməyə məcbur edilməsilə nəticələndi. Onlar bizdəki beynəlxalq avtobus lisenziyasına görə də söz etdilər. Üstəlik, avtobus bundan əvvəl Gürcüstan sərhəddini keçmişdi və hansı ki, orada bu prosedur bir neçə dəqiqə çəkdi və lisenziyayla bağlı heç bir sual ortaya çıxmadı.
"Hamımızın əhvalı pozulmuşdu. Biz Şəkiyə gec gəldik və kifayət qədər yuxu almadan ekskursiyaya yollandıq. Proqramımız tamamilə pozuldu", - deyə Aleksandr xatırlayır.
O, bu halı Azərbaycanda turizmin bir elementi olduğu üçün əhəmiyyətli hesab edir. Onun fikrincə, sərhəddə bu cür aşkar soyğunçu yanaşmanı kökündən dəyişmək lazımdır.
Bu fikiri dövlət başçısı İlham Əliyev 2018-ci ilin birinci rübünün yekunlarına dair Nazirlər Kabinetinin iclasında çıxış edərkən səsləndirib. Onun sözlərinə görə, Azərbaycan hakimiyyəti xarici turistlərdən pul alan rüşvətxorları və soyğunçuluqla məşğul olanları ciddi şəkildə cəzalandıracaq.
Əlbəttə ki, Azərbaycana gələn qonaqların mənfi təcrübəsi barədə eşitmək gözlənilməz və xoşagəlməz idi, çünki demək olar ki, həmişə ölkəmiz barədə çox yaxşı rəylər eşidirik. Ancaq əminik, bu barədə də danışmalıyıq ki, məmurlar problemə diqqət yetirsinlər və vəziyyəti başa düşsünlər.
Və biz jurnalistlərə, onların işlərinə və vəziyyətin inkişafına nəzarət etməkdən başqa bir şey qalmır.
Natalya Quliyeva
