Qarabağın Erməni işğalından Azərbaycan ordusu tərəfindən azad edilməsi, bölgədə müharibədən sonrakı vəziyyət və Azərbaycanın siyasi münasibətləri artıq dünya üçün aktual mövzuya çevrilib.
Azərbaycanın apardığı vətən müharibəsi və erməni işğalına son qoyması bir çox dost və qardaş ölkələr tərəfindən yüksək dəyərləndirilib.
İki qardaş ölkə Türkiyə və Pakistan 44 günlük müharibə zamanı Azərbaycan ordusunun və Azərbaycan xalqının yanında olduqlarını nümayiş etdirdilər. Hər iki ölkə lazım gələrsə Azərbaycanın özünü-müdafiə hüqunun təmin edilməsində və Azərbaycan xalqı ilə bərabər erməni işğalına son qoymaq üçün hərbi əməliyyatlarda iştirak etməyə hazır olduqlarını bəyan ediblər.
Azərbaycanın Türkiyə və Pakistan ilə siyasi strateji və hərbi birliyi sarsılmazdır və bundan sonra da belə olacaq.
Azərbaycan-Türkiyə-Pakistan üçtərəfli əməkdaşlığı ilə bağlı Pakistanlı ekspert Məhəmməd Asif Nur EDNews.net-ə müsahibə verib.
- 44 günlük müharibənin bitməsindən sonra Cənubi Qafqazda geosiyasi güclərin balanslaşmasını necə görürsünüz?
- Azərbaycanın qələbəsindən sonra Cənubi Qafqaz regionunda geosiyasi vəziyyət tarazlaşdırılıb. Müharibə Erməni təcavüzününün qarşısını aldı. Bölgədə sülh, sabitlik və təhlükəsizliyin bərqərar olunduğu halda regionda geosiyasi vəziyyət hazırda Azərbaycanın xeyrinədir.
- Azərbaycanın qələbəsi ilə nəticələnən 44 günlük müharibənin Ermənistan-Azərbaycan münaqişəsinə son qoyduğunu düşünürsünüzmü?
- Münaqişə artıq bitib, lakin Ermənistanın təcavüzü hələ bitməyib. Beynəlxalq ictimaiyyət xüsusilə Azərbaycanın qələbəsindən sonra Ermənistandan gələn təhdidlərə qarşı diqqətli olmalıdır.
- Bildiyiniz kimi, üçtərəfli hərbi əməkdaşlıq çərçivəsində Türkiyə, Pakistan və Azərbaycanın hərbi qüvvələri sentyabrın 12 – dən başlayaraq səkkiz günlük bircə hərbi təlimlər həyata keçirdi. Sizcə, Pakistan Ordusu Azərbaycan Ordusunun möhkəmlənməsində rol oynaya bilər?
- Bu cür hərbi əməkdaşlıq və məşğuliyyət peşəkar bilikləri və müharibə və hərbi strategiya ilə bağlı ən son detalları paylaşmaq üçün zəruri addımlardır. Pakistan və Azərbaycan arasında güclü strateji və peşəkar əlaqələr mövcuddur və illər keçdikcə bu əlaqələr tədris prosesini daha da təkminləşdirdi. Bir çox azərbaycanlı kursant İslamabadda Milli Müdafiə Universitetində təhsil alır və bununla bərabər birgə hərbi təlimlər daxil olmaqla hərbi sahə üzrə mübadilə proqramları mövcuddur. Bu hər iki tərəf arasında qarşılıqlı tədris prosesidir.
- Bildiyiniz kimi, Pakistan və Türkiyə ötən ilin sentyabrında başalayan 44 günlük müharibə zamanı Azərbaycana dəstək verdilər. Fakt olaraq Azərbaycanın qələbəsi sizin üçün gözlənilən idimi?
- Müharibədə qələbə proqnozlaşdıra bilməzsən. Müharibə hər zaman xaos və qeyri -sabitlik gətirir. Ermənistanın təcavüzü nəticəsində Azərbaycan hərbi əməliyyatlara başladı. Müharibə Azərbaycan üzərində tətbiq edilmişdi və özünümüdafiə hüququ adı altında Azərbaycac qisas almalı və tam güclə cavab verməli idi. Müharibənin ağır yükünü yalnız günahsız insanlar çəkir. Ermənistanda təcavüzkar siyasi qüvvələr öz xalqını və bölgədəki xalqların müharibədən ciddi şəkildə zərər çəkmələrinə səbəb olublar və bunu boyunlarına almırlar. İstənilən səviyyədə erməni təcavüzə son qoyulmalı idi. Beynəlxalq birliyi sülhü və sabitliyi qorumaq üçün bu məsələdə daha ciddi fəaliyyət göstərmələrini çağırıram.
- İyul ayında Türkiyə, Azərbaycan və Pakistan parlament sədrləri üçtərəfli əməkdaşlığın inkişafı haqqında Bakı Bəyannaməsini imzaladılar. Bakı Bəyannaməsinin üçtərəfli əlaqələrin inkişafı üçün əhəmiyyətini necə dəyərləndirərdiniz?
- Pakistan, Azərbaycan və Türkiyə parlamentləri arasında əlaqələr keçmişdən bu yana uzun müddət mövcuddur. Bakı bəyannaməsinə gəldikdə isə Türkiyə və Pakistan 44 günlük müharibədən sonra yenidən Azərbaycanla həmrəy olduqlarını nümayiş etdirdilər. Bakı bəyannaməsinin imzalanması Türkiyə və Pakistanın hər zaman Azərbaycanın yanında olacaqlarını təsdiqləyən bir mesaj idi.
- Pakistan və Azərbaycan arasında hərbi-texniki əməkdaşlıq hansı səviyyədədir və hər iki ölkə hansı sahədə əməkdaşlıq edə bilər?
- Pakistan və Azərbaycan arasında güclü hərbi əməkdaşlıq var. Bununla bərabər hər iki ölkə müdafiə istehsalı sahəsində də əməkdaşlıq edirlər. Qeyd etmək lazımdır ki, Pakistan və Azərbaycan hərbi əməkdaşlıq üzrə İşçi Qrupu yaradıb və hər iki ölkənin hərbiçiləri arasında bir sıra danışıqlar təşkil edilib. Pakistanın hərbiçiləri bir çox Azərbaycan hərbiçilərinə təlimlər keçib. Digər önəmli məqam isə Azərbaycan və Pakistan arasında Pakistanın JF-17 qırıcıların alınması ilə bağlı danışıqlar gedir. Azərbaycan, həmçinin PakistanınSuper Mushak təlimçi təyyarələrin alınmasında da marğı var. Tarixə baxsaq Bakı və İslamabad 2002 -ci ildə hərbi və müdafiə sahələrində iki tərəfli əməkdaşlıq haqqında müqavilə imzalayıblar. Azərbaycan 2013 -cü ilin mart ayında Pakistan tərəfindən təşkil edilən "AMAN 2013" Hərbi Dəniz Təlimində iştirak edib. 2014 -cü ildə hər iki ölkənin müdafiə nazirlikləri başqa bir ikitərəfli hərbi müqavilə imzalayıblar. Daha sonra birgə işçi qrupunun iclasları İslamabad və Bakıda mütəmadi olaraq keçirilibdir.