İsveçin də Funladiya kimi NATO-ya üzv olunması əsas gündəm məsələlərindən biridir. Qərb bu günü artıq uzun zamandır ki, gözləyir. Lakin Türkiyə və Macarıstanın İsçevin NATO-ya üzlüyünü ratifikasiya etməkdəd tələsmir, gözləmə mövqeyindədir.
Bəs Türkiyə bu ratifikasiyanı nə zaman təsdiqləməyi düşünür?
Türkiyəli jurnalist Güngör Yavuzaslan Ednews-a açıqlamasında qeyd edib ki, hazırda Türkiyə İsveçə qarşı olan mövqeyini dəyişdirməyib:
“NATO baş katibinin Ərdoğanın andiçmə mərasimində iştirak edəcəyi gözlənilirdi. Ərdoğanla NATO-nun Baş katibi Yens Stoltenberqi arasında görüş baş tutub. Hər kəs prezident Ərdoğanın andiçmə mərasimini və yeni vəzifə səlahiyyətlərini icra etməsini və yeni kabinetin qurulmasını gözləyirdi. Bütün bunlar artıq baş tutub”.
G. Yavuzaslan deyib ki, Finlandiya üçtərəfli razılaşmada üzərinə götürdüyü öhdəlikləri yerinə yetirdi, İsveçdən də eyni addım gözlənilir:
“İsveç müəyyən hüquqi tənzimləmələr qəbul etsə belə, hələ də Türkiyənin istədiyi nöqtəyə gəlib çatmayıb. Bunlar reallaşana qədər Türkiyə İsveçin NATO-ya üzvlüyünü dəstəkləməyəcək”.
Azərbaycanın da NATO-ya üzvlüyü barədə məsələyə toxunan jurnalist vurğulayıb ki, hazırda Azərbaycanın NATO-ya üzv olması ilə bağlı məsələ gündəmdə deyil, indi daha çox Şuşa bəyannaməsi çərçivəsində Türkiyə ilə Azərbaycan arasında təhlükəsizlik məsələləri davam edir:
“Azərbaycanın NATO-ya üzvlüyü barədə danışmaq hələ ki, tezdir. Çünki Rusiyanın Qafqazdakı mövqeyi Azərbaycan üçün daha önəmlidir. Təhlükəsizlik siyasəti Qafqazda türk dövlətlərinin təşkilatlanmasının təzahürləri ilə formalaşacaq. Bunun əsasını Türkiyə ilə Azərbaycan arasında, tamamilə təhlükəsizlik mövzularında bağlanmış Şuşa müqaviləsi təşkil edir.Türkiyə və Azərbaycan ordusu birgə hərəkət edəcək”.
Jurnalist bildirib ki, bununla da Azərbaycan ərazisinə edilən hücum Türkiyənin ərazisinə edilmiş kimi sayılacaq:
“Eləcə də Türkiyə ərazisinə hər hansı hücum Azərbaycan ərazisinə edilmiş hücum kimi qiymətləndiriləcək, və cavab hər iki ölkənin ordusunun birgə hərəkəti ilə veriləcək. Buraya həm Qarabağ, həm də Naxçıvan əraziləri daxildir. Məsələ də daha çox elə bu səbəblərdəndir. Ona görə də İsveç tələb olunan şərtləri yerinə yetirməzsə, onun Türkiyə tərəfindən NATO-ya üzvlüyü qəbul edilməyəcək.”
Ülviyyə Şahin