“İran Ukraynaya qarşı müharibədə Rusiyanın əsas dayaqlarından biri olaraq qalır. İki ölkə arasında hərbi tərəfdaşlıq getdikcə güclənir.
Bunu Vaşinqtonda brifinq zamanı ABŞ Dövlət Departamentinin mətbuat katibinin müavini Vedant Patel” bildirib.
Pateldən İranın Rusiyaya pilotsuz uçan aparat istehsal edən zavodun tikintisinə kömək etməsi ilə bağlı ABŞ kəşfiyyatının məlumatlarını şərh etməsi istənilib.
Dövlət Departamentinin rəsmisi cavab olaraq deyib ki, İran Rusiyanın əsas hərbi dayağı olaraq qalır. O, həmçinin Ukraynanın genişmiqyaslı işğalından sonra İranın Rusiyaya artıq göstərdiyi hərbi yardımı xatırladıb.
Vedant Patel həmçinin iddia edib ki, Rusiya İrandan yüzlərlə birdəfəlik vurulan PUA, həmçinin pilotsuz təyyarələrin istehsalı üçün avadanlıq alıb.
Tarixçi və siyasi analitik, Britaniya, Türkiyə və Cənubi Qafqazla bağlı kitabların müəllifi doktor Patrik Uolş Ednews-a bildirib ki, şübhəsiz ki, Rusiya ilə İran yüksələn xətti ilə inkişaf edən bir ittifaq var:
“Ukraynadakı münaqişəsinin ilkin mərhələlərində Moskva pilotsuz uçan aparatlarla müharibənin faydalılığını lazımınca qiymətləndirmirdi. Ruslar hər zaman Müharibə Tanrısı kimi artilleriyaya böyük ümid bəsləyirdilər. Bununla belə, dronların hər cür məqsədlər üçün çox təsirli olduğu aşkar edilib”.
Onun sözlərinə görə, Yəməndə pilotsuz uçuş aparatlarından çox istifadə edilən iranlılar ruslara ABŞ-ın bahalı hava hücumundan müdafiə sistemlərinə qarşı fırıldaqçılıq edən ucuz dronlarla təmin ediblər:
“Bəzi söhbətlər var ki, iranlılar hazırda Rusiyada dron zavodu tikirlər. ABŞ-İran münasibətləri ilkin olaraq Suriyada ümumi maraqlardan irəli gəlirdi və burada hər ikisi prezident Əsədi devirmək üçün Qərbin səyləri qarşısında hakimiyyətini saxlamağa kömək edirdi”.
Ülviyyə Şahin