“New York Post” nəşri ermənipərəst senator Bob Menendesin və arvadı Nadine Arslanyanın qaranlıq maliyyə fəaliyyətini ifşa edən araşdırma yayıb.
Nəşr ABŞ senatoru Bob Menendezin həyat yoldaşı, erməni əsilli Nadine Arslanyanın şübhəli maliyyə əməliyyatlarını açıqlayıb. Nəşr yazır ki, ABŞ senatoru Bob Menendezin arvadı, erməni əsilli Nadine Arslanyan cəmi üç il əvvəl ciddi maliyyə çətinlikləri ilə üzləşdiyi halda, ötən il 400.000 dollar dəyərində qızıl külçələr satıb.
Azərbaycan tərəfindən isə məsələyə münasibət gecikmədi. Azərbaycan Prezidentinin köməkçisi Hikmət Hacıyev “Pul hər şeyi həll edir. Amerika Birləşmiş Ştatları və Avropadakı bütün anti-Azərbaycan ermənipərəst lobbiçilər və siyasətçilər daha da araşdırılmalıdır” açıqlamasını verib.
Sözügedən nəşrə münasibət bildirən Amerikalı jurnalist Piter Teys Ednews-a açıqlamasında Senator Menendesin qalmaqallı maliyyə işlərinə və federal ittihamlarla üzləşdiyinə görə daim milli mediada çıxış etdiyini bildirib:
“ABŞ senatoru Bob Menendesin bu şübhəli fəaliyyəti ABŞ Məhkəmə Sisteminin və FTB-nin müstəqilliyini nümayiş etdirir, eyni zamanda Vaşinqtonda siyasi mənzərənin nə qədər korlandığını göstərir”.
Onun sözlərinə görə, erməni lobbi təşkilatları və onların agentləri Bob Menendes kimi yüksək korrupsioner qanunvericilərlə və Qafqazda ABŞ-ın böyük iştirakını müdafiə etməyən, sadəcə dezinformasiyaya sövq edən və Ermənistanın etibarlı şəxsləri və ABŞ Senatındakı sadiq olanlar kimi çıxış edən digər senatorlarla əlaqələri sayəsində ABŞ Konqresində uğur qazanıblar:
“ABŞ Konqresində Bob Menendesin ictimai imicini daha da pisləşdirəcək daha çox qalmaqallar ortaya çıxacaq”.
Ülviyyə
