Avropa Parlamentinin Türkiyə üzrə məruzəçisi Naço Sançez Amor bildirib ki, Ankaranın xarici siyasətlə bağlı absurd çıxışları Brüssellə münasibətlərin yaxşılaşmasına əsas maneələrdən biridir. Türkiyə beynəlxalq səviyyədə təcrid olunub və yeganə dostu Azərbaycandır.

Azərbaycan-ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys, Ednews -  a verdiyi açıqlamasında cənab Amorun bu ifadələrinə münasibət bildirərək, onun bir çox siyasi reallıqlardan bixəbər olduğunu deyib:

“Avropa Parlamentinin Türkiyə üzrə məruzəçisi Nacho Sançez Amor, görünür, Aİ geosiyasi maraqlarının təhrif olunmuş perspektivinə malikdir və Türkiyə hökumətinə qarşı bəyanatlarında birmənalı deyil. Amor Türkiyənin Yaxın Şərqdə sülhün qorunmasında və Aİ-nin əsas ticarət tərəfdaşı kimi ortaya çıxmasında qlobal konstruktiv rolunu, Suriya qaçqın böhranını çox uğurla idarə edərək, dünyanın ən böyük qaçqın əhalisinə ev sahibliyi etdiyini görə bilməyib. Prezident Rəcəb Tayyib Ərdoğanın rəhbərlik etdiyi humanitar təşəbbüslər, Avropanın digər böyük güclərinə müharibə vəziyyətində olan xalqlara kömək naminə necə davranmalı olduğuna dair mükəmməl nümunədir. Paris və Berlin son beş ildə açıq şəkildə Türkiyənin Xarici Siyasətini boğmağa cəhd göstərsələr də, Türkiyə Respublikası Avropa Şurasına üzv dövlətlərlə yüksək əməkdaşlıq etməkdə davam edib. Cənab Amor, Türkiyənin 30 ildən artıqdır ki, Ermənistanın iqtisadi blokadası altında olan Azərbaycanın Naxçıvan Muxtar Respublikasının can damarı olduğunu və onun bu bölgəyə tədarük üçün dəhliz yaratmaq cəhdlərini də görə bilməyib”.

Əkbər Novruz