Son vaxtlar Bakının bəzi ərazilərində tramvay xəttlərin çəkilməsi məsələsi aktualdır.

Bakı şəhərində tramvay xətlərinin çəkilməsi ilə bağlı müsbət və mənfi cəhətlər nələrdir? Bu sahədə son vaxtlar daha da aktual olan tıxac məsələsini həll oluna bilərmi? Tramvay xətlərinin ümumi xəritəsi təxminən haraları əhatə edəcək?

Məsələ ilə bağlı Milli Məclisin deputatı Naqif Həmzəyev bildirib ki, Bakıda  tıxac problemini həll etmək üçün ilk olaraq  ictimai nəqliyyatın bütün vektorları işlək vəziyyətə gətirməlidir. 

“Çalışmalıyıq ki, vətəndaşlarımız ictimai nəqliyyata rahatlıqla üz tuta bilsinlər və ictimai  nəqliyyatda vətəndaşların ümidlərini doğrultsun. Bundan başqa avtobusların sayı artırmalıdır. Əsas olaraq da metro stansiyaların artırılması prosesi sürətləndirilməlidir. Bakı və Bakı ətrafı bütün ərazilərə gələcəkdə metro xəttləri çəkilməlidir.

Hansı ərazilərin relyefindən asılı olaraq metro çəkilə bilmirsə, o ərazilərə tramvay xəttləri salınmalıdır. Şaxələndirilmiş şəkildə metro və tramvay birlikdə ictimai nəqliyyatın əsas yükünü daşıya bilər. Bir çox Qərb ölkələrində yol infrastruktur bu şəkildə qurulub.

Metro və tramvaylar bir neçə stansiyalarda kəsişirlər və vətəndaşlar asanlıqla hər iki nəqliyyatdan istifadə edirlər”. 
Deputat həmçinin vurğulayıb ki, tramvay xəttləri dar küçələrdə hərəkət edə bilməz.

“Təbii ki, tramvay tıxacın aradan qaldırılmasında böyük rol oynayır. Düşünürəm ki, hətta metro xəttlərinin  çəkilə bilmədiyi ərazilərdə Sumqayıtla Bakı arasında qatar xəttinə Bakının ətrafı kəndlərə və qəsəbələrlə şaxələndirilmiş şəkildə birləşməsi məqbuldur. Belə olacağı təqdirdə avtomobillərdən istifadə edən şəxslərin də sayı azalacaq.

Düşünürəm ki, şəhərin  mərkəzi və dar küçələrində tramvay xəttləri o qədər də effektiv olmayacaq. Çünki bu əlavə tıxaclara səbəb ola bilər. Nəqliyyatın sıx hərəkət etdiyi yerlərdə tramvay xəttləri xüsusi quraşdırılmalıdır ki, fərdi nəqliyatın azalmasına müsbət təsir etsin”. 

Nəticə olaraq deputat bildirib ki, tıxac probleminin həlli üçün paralel olaraq tramvay və metro xəttlərinin çəkilməsi məqsədəuyğundur.

Xəyal Ramiz