İran diplomatik yolla ABŞ-a bildirib ki, İran ərazisinə hər hansı kiçik zərbəyə qəti hərbi cavab veriləcək. ABŞ isə Yaxın Şərqdəki bazalarına hərbi texnikalar göndərir. 

Yaxın Şərqdəki yüksək səviyyəli silahlanmanı nəzərə alsaq, müharibədən nə dərəcədə yayınmaq olar?

“Nə ABŞ, nə də İran hökümətləri birbaşa müharibəyə başlamaq niyyətində deyil, hərbi qarşıdurma isə mütləq olacaq”.

Bu fikri Ednews-a açıqlaması zamanı siyasi analitik, cənubi azərbaycanlı Məhəmməd Rəhmanifər bildirib. O, qeyd edib ki, iki ölkənin müharibəyə qoşulması üçün vahid cəhbə və silahlanma lazımdır. 

“Demək olar ki, ABŞ və İran arasında bu şərait çoxdan yaranıb. Bu ölkələr bir-birinə Suriya və İraq vasitəsi ilə hücum edirlər. İran faktiki olaraq öz ordusundan istifadə etməsə də, təşkilatları istifadə edib. Buna görə insanlar bu ölkələrin müharibəyə başlayacağını proqnoz edir. Lakin, düşünmürəm ki, bu cür birbaşa müharibə baş versin. Əvəzində münaqişə hazırda olduğu kimi davam edəcək. Bu proqnozlara qatılmıram çünki, hər iki ölkənin hökümətləri münaqişəyə tamamilə fərqli müstəvidən baxırlar. Pentaqonun açıqlamaları ilə Tehranın regiondakı maraqları hər nə qədər üst-üstə düşməsə də, onlar üçün müharibə uyğun variant deyil. Əksinə, bu ölkələr proksi qüvvələrlə bir-birinə hücum etməyə davam edəcək. Döyüşlərin dağıntlarından isə Suriya əziyyət çəkəcək”.

Siyasi ekspert İranın bu addımları ataraq ərəb dövlətləri ilə ABŞ-ni üz-üzə qoyduğunu vurğulayıb.

“ İranın ABŞ ilə açıq müharibəyə başlamaqda heç bir marağı olmayıb. Rəsmi Tehran indi öz məqsədlərinə çatıb. Onun əsas məqsədi regionda mövcud olan iki rəqibini: ABŞ və ərəb dövlətlərini bir-biriləri ilə münaqişəyə cəlb etmək idi. İran hazırda Fələstində HƏMAS, cənubda Husilər və Suriyada Hizbullahdan istifadə edərək bir neçə cəhbədə müharibəyə rəhbərlik edir. Diqqət edin ki, bütün bu silahlı təşkilatlar ərəb mənşəlidir. Təəccüblü deyil ki, İran adıçəkilən təşkilatlarlan həm də qorxur – onların Tehrandan hər hansı bir dəstək aldığına dair sübutun ortaya çıxmasından narahatdır”.

Fərid