NATO-nun təşkilatçılığı ilə Finlandiya, İsveç və Norveçdə genişvüsətli hərbi təlimlər keçirilir. Təlim martın 15-dək davam edəcək. Təlimdə 14 ölkədən 20 minə yaxın hərbçi iştirak edir.

Maraqlıdır ki, Finlandiya və İsveç NATO-ya yeni üzv ölkələrdir. Bu ölkələr Rusiya-Ukrayna müharibəsi başlayandan sonra alyansa daxil olmaq qərarına gəliblər. Digər tərəfdən Finlandiyanın Rusiya ilə sərhəd ölkə olduğu da məlumdur.

Dünya artıq müharibə astanasandadır, yoxsa bu, Rusiyaya sadəcə güc nümayişidir?

Məsələ bağlı Ednews-a finlandiyalı hərbi ekspert Emil Kasteyelmi danışıb. Onun sözlərinə görə hazırda Şimal ölkələri ilə Rusiya arasında pis münasibətlər mövcud olsa da bu hələlik silahlı münaqişə demək deyil:

“Deməzdim ki, biz müharibə astanasındayıq - Şimali Avropa ölkələrinə qarşı adi hərbi hücum təhlükəsi yoxdur. Təbii ki, Rusiya və Finlandiya arasında hazırda onun Ukraynaya təcavüzü səbəbindən çox pis münasibətlər var. lakin indi bu, silahlı münaqişəyə çevrilmir. Şimaldakı məşqlər sadəcə əzələ nümayişi deyil. Əksinə, müttəfiq ölkələr - Finlandiya və İsveç alyansa qoşulduğu üçün NATO indi strateji əhəmiyyətli Arktika regionunda daha çox iştirak edir. Bu da olduqca mühüm xarakteri kəsb edir. Arktika şəraiti çətindir, ona görə də alyansın müxtəlif təhlükəsizlik ssenarilərinə cavab verə bilməsi üçün ərazidə yeni tərəfdaşlarla təlim keçməsi vacibdir. Bir çox ölkələr müntəzəm olaraq Şimalda təlimlər keçirir. Məsələn, Rusiya keçən il orada geniş dəniz təlimləri keçirdi. Finlandiya və qonşu Skandinaviya ölkələri NATO-da olduğundan, gələcəkdə daha böyük şimal təlimləri də ola bilər. Hərçənd bundan savayı keçirilən bu təlimlərin önəmi olduqca böyükdür”.

Əkbər Novruz